Piłota avijakampanii United Airlines, jakaja vyrašyła pahavaryć z pasažyrami pra svaje prablemy, źniali z rejsa. Heta adbyłosia na borcie samalota, jaki nakiroŭvaŭsia z Ościna (štat Techas) u San-Francyska, piša Meduza.
Piłot uvajšła ŭ sałon samalota ŭ cyvilnaj vopratcy. Spačatku jana praz hučnuju suviaź paprasiła pasažyraŭ prahałasavać za toje, ci treba joj apranać formu abo lacieć jak jość. Paśla hetaha jana raspaviała pra svoj razvod.
Taksama piłot paviedamiła, što jana nie hałasavała na prezidenckich vybarach ni za Donalda Trampa, ni za Chiłary Klintan. Abodvuch kandydataŭ jana nazvała chłusami.
U pracesie vystupleńnia piłota kala 20 pasažyraŭ zajavili, što jany nie adčuvajuć siabie ŭ biaśpiecy z takim kapitanam, i pakinuli samalot.
U vyniku United Airlines vysadziła piłota, a rejs ŭznačaliŭ inšy kapitan. Samalot uźlacieŭ z zatrymkaj u dźvie hadziny.
Pradstaŭnik avijakampanii paćvierdziŭ, što piłot sapraŭdy ŭvajšła ŭ samalot u cyvilnaj vopratcy. Rastłumačyć, jak heta adbyłosia, jon nie zmoh. United Airlines paabiacała abmierkavać ź piłotam toje, što zdaryłasia.
-
U Bierlinie dziasiatki tysiač žycharoŭ zastalisia bieź śviatła praz dyviersiju
-
Zialenski, Makron i Starmier padpisali dekłaracyju ab razhortvańni va Ukrainie zamiežnaha kantynhientu
-
Va Ukrainu nie puścili italjanca ŭ vyšyvancy, jaki darohaj nachvalvaŭ Pucina. Praz Threads za im sačyli dziasiatki tysiač čałaviek
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary