Baćki-biełarusy stvarajuć dla svaich dzietak biełaruskamoŭnaje asiarodździe ŭ Varšavie.
8 lutaha adbyłasia sustreča zacikaŭlenych. Prysiažnaja pierakładčyca Maryja Łucevič-Napałkava, jakaja źjaŭlajecca adnoj ź inicyjatarak stvareńnia hrupy, raspaviadaje pra vyniki ŭčorašniaj sustrečy:
«Sabrali dzietak i ichnych baćkoŭ, zrabili ŭstupny śpis, prykinuli, ci chopić dzietak i na daškolnuju hrupu i na školnuju. Pavodle zakonu, pavinna być minimum troje dziaciej dla stvareńnia hrupy, i ŭžo vyjšła, što atrymlivajecca i adna hrupa, i druhaja. Žadajučych navat bolš, tam užo kala dziesiaci dzietak jość i ŭ adnoj i ŭ druhoj hrupie».
Inicyjatyva stvareńnia biełaruskamoŭnaj hrupy źviazanaja z realizacyjaj pravoŭ nacyjanalnych mienšaściaŭ u Polščy, tłumačyć Maryja Łucevič-Napałkava, a tamu ideja finansava padtrymlivajecca polskim ministerstvam adukacyi.
«Kali što, zaniatki pačnucca z novaha navučalnaha hoda, ź vieraśnia, kali dzietki pojduć u sadki i škoły. Jość i takoje patrabavańnie, što ŭ dziciaci maje być polskaje hramadzianstva i adpaviedna ŭ adnaho z baćkoŭ», — kaža Maryja Łucevič-Napałkava.
Jana dadaje, što nastupnaja arhanizacyjnaja sustreča adbudziecca ŭ subotu 25 lutaha a 12-j hadzinie ŭ «Biblioteka multimedialna Nautilus» (adras u Varšavie: Pancera, 18).
Achvotnym zapisać svajo dzicio biełarusam z Varšavy Maryja Łucevič-Napałkava raić paviedamić pra svajo žadańnie da kanca sakavika.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?2
Kamientary