Biełaruski kancern «Płanar» sumiesna z kardyjachirurhami viadzie raspracoŭku vytvorčaści bijałahičnaha štučnaha sardečnaha kłapana. Pra heta paviedamiŭ siońnia žurnalistam dyrektar AAT «Zavod «Elektronmaš» Aleh Harecki.
«Vykarystańnie bijałahičnaha sardečnaha kłapana daść mahčymaść pacyjentam adyści ad peŭnaj miedykamientoznaj zaležnaści, jakaja isnuje pry vykarystańni miechaničnaha, — padkreśliŭ dyrektar. — Heta istotna palepšyć jakaść žyćcia čałavieka».
Ciapier kancern vyrablaje kala 1 tys. miechaničnych kłapanaŭ štohod. Jakaść biełaruskaha miedycynskaha impłantata paćvierdžana nie tolki ajčynnymi, ale i zamiežnymi kardyjachirurhami. Vyrab pastajanna ŭdaskanalvajecca i madyfikujecca. U płanach da kanca 2018 hoda prajści siertyfikacyju pradukcyi ŭ krainach Jeŭrapiejskaha sajuza i atrymać markiroŭku CE, što daść mahčymaść vyjści na jeŭrapiejski rynak.
Navukova-vytvorčy chołdynh dakładnaha mašynabudavańnia «Płanar» — adziny navukova-techničny kompleks pradpryjemstvaŭ, jaki na bazie samych sučasnych technałohij i sintezu apošnich dasiahnieńniaŭ navuki i techniki ŭ roznych halinach viedaŭ raspracoŭvaje i vyrablaje samaje składanaje optyka-miechaničnaje, kantrolna-vymiaralnaje i zboračnaje abstalavańnie dla mikraelektroniki.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary