Jeŭrapiejskaja kamisija prystrašyła sudovymi pazovami suprać krain, jakija admaŭlajucca prymać biežancaŭ. Jeŭrakamisar pa pytańniach mihracyi, unutranych spraŭ i hramadzianstva Dzimitrys Aŭramopułas skazaŭ, što Brusiel budzie čakać da vieraśnia, kab hetyja krainy naviarstali ŭpuščanaje, paviedamlaje Radyjo Polšča.
Pavodle danych Jeŭrakamisii, z vosieni 2015 hoda, kali byli pryniatyja pałažeńni pa pytańniu rełakacyi biežancaŭ z krain Paŭnočnaj Afryki i Blizkaha Uschodu, krainy Jeŭrapiejskaha sajuza pryniali 13,5 tysiač čałaviek z časovych łahieraŭ u Italii i Hrecyi. Płan ES praduhledžvaŭ pryniaćcie na praciahu dvuch hadoŭ 160 tysiač mihrantaŭ.
«Heta nieapłačany rachunak, pa jakim treba zapłacić», — skazaŭ jeŭrakamisar pa pytańniach mihracyi, unutranych spraŭ i hramadzianstva, dadaŭšy, što «bolš nie moža być apraŭdańniaŭ, jakija dazvalali krainam paźbiahać hetaha abaviazacielstva».
Jon papiaredziŭ, što kali da vieraśnia praces pryniaćcia mihrantaŭ krainami ES nie paskorycca, to Jeŭrakamisija nie vyklučaje padačy pazovaŭ suprać jeŭrapiejskich uradaŭ u Sud Jeŭrasajuza. «Da hetaha času takoje rašeńnie nie praduhledžvałasia. My sprabavali pierakonvać, adnak ciapier heta (sudovyja pracesy) adzin z varyjantaŭ», — paviedamiŭ jon.
Z 28 krain ES tolki Aŭstryja, Danija, Polšča i Vienhryja nie pryniali ŭ siabie ni adnaho mihranta z łahieraŭ u Italii i Hrecyi. Ułada ŭ Varšavie arhumientavała heta tym, što ŭ ramkach jeŭrapiejskaj salidarnaści jana pa-inšamu dapamahaje vyrašyć mihracyjny kryzis: udzielničaje ŭ achovie źniešnich miežaŭ ES i akazvaje finansavuju padtrymku dziaržavam, jakija sutykajucca ź mihracyjnym ciskam.
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?25
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary