Hiermanija zacikaŭlenaja ŭ zbližeńni Biełarusi i Jeŭrasajuza i chacieła b paskoryć hety praces, zajaviŭ u paniadziełak u Minsku dziaržaŭny ministr pa jeŭrapiejskich spravach MZS FRH Michael Rot, piša ria.ru.
«Maja kraina maje vialikuju zacikaŭlenaść, kab adbyłosia zbližeńnie Hiermanii i Jeŭrasajuza ź Biełaruśsiu. My chočam jaho paskoryć», - zajaviŭ Rot žurnalistam pa vynikach pieramovaŭ z kiraŭnikom MZS Biełarusi Uładzimiram Makiejem.
Jon padkreśliŭ, što Hiermanija ŭsprymaje Jeŭropu nie stolki jak ekanamičnuju prastoru, kolki supolnaść krain z adzinaj sistemaj kaštoŭnaściaŭ, jakaja ŭklučaje demakratyju, pravy čałavieka i niezaležnaść ŚMI.
«Biełaruś — jeŭrapiejskaja kraina», — skazaŭ dziaržministr, adznačyŭšy važnaść realizacyi hetych klučavych jeŭrapiejskich kaštoŭnaściaŭ u žyćci. Na jaho dumku, demakratyja hraje centralnuju rolu. «My chočam dapamahčy, kab hetyja dasiahnieńni stali ŭ Biełarusi bolš efiektyŭnymi», — praciahnuŭ Rot, dadaŭšy, što demakratyja — važny kluč da stabilnaści ŭ krainie i faktar pryciahnieńnia inviestycyj.
Dziaržministr adznačyŭ, što Jeŭropa admaŭlaje śmiarotnaje pakarańnie. «Było b dobra, kali b i Biełaruś mahła ŭvajści ŭ skład hetaj jeŭrapiejskaj siamji, jakaja admaŭlaje śmiarotnaje pakarańnie», — skazaŭ jon.
«My adyšli ad palityki sankcyj, padyšli da palityki, aryjentavanaj na supracoŭnictva. Kali Biełaruś budzie raźvivacca pa šlachu demakratyi i pravavoj dziaržavy, heta budzie mieć «dadadzienuju vartaść» i dla hramadzian krainy», — pierakanany jon.
Rot taksama nahadaŭ pra vialikuju kolkaść hłabalnych kryzisaŭ, jakija mohuć być vyrašanyja ŭ vypadku supracoŭnictva, niachaj heta budzie Blizki Uschod, mihracyja, teraryzm. «Nam patrebny novyja masty», — dadaŭ jon.
Drukujecca ŭ miežach śpiecyjalnaj rubryki «Naviny Hiermanii»
Ciapier čytajuć
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy21
Kamientary