Siońnia ŭ Homielskim abłasnym sudzie vyniesieny prysud Alaksandru Šeštakaŭskasu, jaki zasiek siakieraj svaju byłuju kachanuju, 19-hadovuju navučenku Homielskaha miedycynskaha kaledža Nastu Badunovu. Maładomu čałavieku dali 20 hadoŭ kałonii ŭzmocnienaha režymu.
Trahiedyja adbyłasia 30 žniŭnia 2016 hoda ŭ adnoj z kvater piacipaviarchovika na vulicy Małajčuka ŭ Homieli. Pamiž maładymi ludźmi raspačałasia svarka, chłopiec schapiŭ siakieru i nanios dziaŭčynie nie mienš za 30 udaraŭ.
Jašče na pieršym sudovym pasiadžeńni abvinavačany pryznaŭ svaju vinu. U chodzie dalejšych sudovych razhladaŭ byli dapytanyja śviedki — učastkovy i supracoŭniki achovy, što prybyli na miesca zdareńnia pieršymi, daktary, małady čałaviek zahinułaj, jaje siabroŭka i pryjaciel abvinavačanaha. Traim apošnim, a taksama maci zabitaj dziaŭčyny adrazu paśla taho, što adbyłosia z dapamohaj SMS-paviedamleńniaŭ i zvankoŭ Šeštakaŭskas paviedamiŭ, što Naści bolš niama.
Maci i dziadźka Alaksandra Šeštakaŭskasa, jakija znachodzilisia ŭ momant ździajśnieńnia zabojstva ŭ hetaj ža kvatery, admovilisia ad dačy pakazańniaŭ.
Na pieradapošnim sudovym pasiadžeńni adbyŭsia ahlad rečavych dokazaŭ, kanfiskavanych na miescy złačynstva. Siarod ich — asabistyja rečy zabojcy i jaho achviary, pryłada zabojstva — siakiera, a taksama niekalki zapisak, jakija Alaksandr adrasavaŭ Naści. U ich - pryznańni ŭ kachańni, biezvychodnaść i maleńni viarnuć adnosiny.
Dziaržabvinavaŭca kvalifikavaŭ dziejańnie Šeštakaŭskasa jak zabojstva, ździejśnienaje z asablivaj žorstkaściu i zapytaŭ dla jaho 18 hadoŭ kałonii ŭzmocnienaha režymu.
Baćki zabitaj paprasili pakarać abvinavačanaha bolš stroha i dać jamu 25 hadoŭ turmy.
Na apošnim słovie chłopiec prasiŭ u ich prabačeńnie za zroblenaje i skazaŭ, što zabitaja Naścia prychodzić da jaho ŭ snach.
Siońnia sud pryznaŭ Alaksandra Šestakaŭskasa vinavatym u ździajśnieńni naŭmysnaha zabojstva z asablivaj žorstkaściu. Maładomu čałavieku dali 20 hadoŭ kałonii ŭzmocnienaha režymu. Akramia hetaha, sud vynies rašeńnie ab vypłacie paciarpiełamu boku maralnaj škody ŭ sumie 100 tysiač rubloŭ. Prysud u zakonnuju siłu nie ŭstupiŭ i moža być abskardžany.
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami4
Kamientary