BT: «Žychary horada byli šakavanyja pavodzinami anarchičnych hrup»
U siužecie prahramy «Panarama» na telekanale «Biełaruś-1» było zajaŭlena, što padčas akcyi pratestu ŭ Minsku «ŭsio źviałosia da palityčnych łozunhaŭ», a «žychary horada byli šakavanyja pavodzinami anarchisckich hrup», jakim patrebien «chaos». «Padobnyja dziejańni nahadali šeści nacystaŭ», — skazała dyktar.
Dziaržaŭnaje telebačańnie raskazała pra akcyju, schłusiŭšy, što nibyta pratestoŭcy parušyli mirny paradak jaje praviadzieńnia. My im, maŭlaŭ, dali mahčymaść prajścisia pa Minsku, a jany padmanuli i viali siabie zusim nie mirna.
Taksama ŭ siužecie śćviardžałasia, što ŭ vyniku napadu udzielnikaŭ akcyi pratestu paciarpieŭ supracoŭnik pravaachoŭnych orhanaŭ.
Jak viadoma, paśla dazvolenaj uładami akcyi ŭ Minsku byli brutalna zatrymanyja dziasiatki čałaviek, siarod ich kala dziasiatka anarchistaŭ.
VIDEA, jak u Minsku cichary chapajuć moładź paśla dazvolenaha šeścia
Zatrymanyja jany byli dziŭnym čynam: hrupa ludziej u cyvilnym kala «Biełaj viežy» spyniła tralejbus, na jakim kampanija ŭdzielnikaŭ šeścia jechała dadomu z płoščy Banhałor, uvarvałasia ŭ hety tralejbus, hruba i biez razboru stała vyciahvać adtul pasažyraŭ.
«Skacina, za što bješ?» ŠAKUJUČAJE VIDEA
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku7
Kamientary