Alaksandr Łukašenka zajaviŭ, što jamu i prezidentu Rasii Uładzimiru Pucinu nie patrebnyja pasiaredniki dla vyrašeńnia najaŭnych pytańniaŭ. «U nas z Uładzimiram Uładzimiravičam bliskučyja adnosiny. Bliskučyja. I znojdziem čas, sustreniemsia», — adznačyŭ jon, zakranuŭšy pytańnie pasiarednikaŭ u adnosinach pamiž krainami padčas sustrečy z pasłom Armienii Armienam Chačatranam z nahody zaviaršeńnia jaho dypłamatyčnaj misii ŭ Biełarusi, pieradaje pres-słužba kiraŭnika dziaržavy.
Łukašenka zajaviŭ, što nienavidzić pasiarednikaŭ: «Bo jany vakoł Biełarusi, kolki ja prezidentam, stolki i chodziać — to miratvorcy, to pasiaredniki, to ź Jeŭrasajuzam, to jašče z kimści. Dy my biez pasiarednikaŭ raźbiaremsia ź Jeŭrasajuzam, ź inšymi dziaržavami i hetak dalej».
«Siońnia ŭžo pra Rasiju kažuć, što pasiaredniki tam patrebnyja pamiž Pucinym i Łukašenkam. Dy supakojciesia - u nas z Uładzimiram Uładzimiravičam Pucinym bliskučyja adnosiny. Bliskučyja. I padbiarom čas, sustreniemsia. Kali jość niejkija prablemy, my ich vyrašym. Biez pasiarednikaŭ my vyrašym udvaich, i nam nie treba nijakaje pasiarednictva. My rodnyja braty, nam dzialić niama čaho, — zajaviŭ kiraŭnik dziaržavy. — Ja jamu niejak publična skazaŭ — moža być, jašče budzie čas, kali pryjdziecca śpinaj da śpiny stać i adstrelvacca, nu, jak vajskovyja ludzi kažuć».
Ciapier čytajuć
Čym ciapier žyvie Ksienija Vołkava z «Apošniaha hieroja»? Čverć stahodździa tamu hetaja biełaruska trapiła na trapičny vostraŭ1
Kamientary