Mužčyna sprabavaŭ pravieźci rarytetny asobnik «Majn Kampf» i zbroju. A ciapier moža sieści na 7 hadoŭ. Jak paviedamili ŭ pres-słužbie Mytnaha kamitetu, lehkavy aŭtamabil, u sałonie jakoha znachodzilisia dva pasažyry, jechaŭ z Polščy praz punkt propusku «Bruzhi».
Za rulom znachodziŭsia hramadzianin Litvy. Pry praviadzieńni mytnaha kantrolu ŭ adnaho z pasažyraŭ, hramadzianina Rasijskaj Fiederacyi, pad vierchniaj vopratkaj byŭ znojdzieny revalvier.
Padčas dalejšaj pravierki ŭ kanstruktyŭnych paražninach sałona aŭtamabila supracoŭniki mytni znajšli 46 patronaŭ, šrot, dvusiečny kinžał i knihu «Majn Kampf» 1941 hoda vydańnia.
Pa zaklučeńni ekśpierta Upraŭleńnia Dziaržaŭnaha kamiteta sudovych ekśpiertyz pa Hrodzienskaj vobłaści, patrony źjaŭlajucca 9-mm pistaletnymi bajavymi patronami Braŭninh, revalvier — naraznoj ahniastrelnaj zbrojaj.
U dačynieńni da hramadzianina Rasii raspačata kryminalnaja sprava. Mužčynu moža pahražać pakarańnie ŭ vyhladzie pazbaŭleńnia voli terminam da siami hadoŭ.
Kamientary