Biełaruś nie ličyć, što ŭ jaje nazapasiŭsia doŭh za pastaŭleny rasijski haz. Pra heta zajaviŭ TASS pres-sakratar premjer-ministra Biełarusi Uładzisłaŭ Syčevič.
«Što tyčycca zajavaŭ kiraŭnika Minenierha Alaksandra Novaka pra niehatoŭnaść Biełarusi pahasić tak zvany doŭh pierad Rasiejaj za haz, to biełaruski bok nie razhladaje dadzienyja srodki ŭ jakaści abaviazku», — adznačyŭ aficyjny pradstaŭnik biełaruskaha ŭrada.
Nahadajem, kiraŭnik Minenierha RF Alaksandr Novak zajaviŭ 30 sakavika pra toje, što biełaruski bok nie hatovy pahasić nazapašany doŭh biez pradastaŭleńnia rasijskim bokam prefierencyj jak pa canie, tak i pa terminach, miechanizmu farmiravańnia cany. Pa słovach Novaka, nazapašany doŭh Biełarusi za haz składaje bolš za $700 młn.
Rasijski haz dla Biełarusi z 1 studzienia 2017 hady padaražeŭ na 6,81%, da 141,1 dalaraŭ za 1 tys. rub. m. Raniej pry košcie ŭ 132 dalary za tysiaču kubamietraŭ Biełaruś płaciła 107 dalaraŭ.
Cana na haz dla Biełarusi raźličvajecca pa kantrakcie ad 2014 hoda z ulikam mižuradavaha pahadnieńnia pamiž Rasijaj i Biełaruśsiu.
***
Naftahazavy kanflikt pamiž krainami abvastryŭsia ŭ minułym hodzie paśla suśvietnaha padzieńnia cen na enierhanośbity. Miensk nazvaŭ spraviadlivaj canu na rasijski haz pamieram 73 dalaraŭ za 1 tys. kubamietraŭ. Rasija dahetul nastojvała na vykanańni dziejučaha kantraktu: cana Jamała plus tranzit, zachoŭvańnie i realizacyja na miascovym rynku. Kantraktnaja cana ŭ 2016 hodzie składała 132 dalary za 1000 kubamietraŭ. U pačatku lutaha Alaksandr Łukašenka zajaviŭ, što Biełaruś płacić za tysiaču kuboŭ rasijskaha hazu 107 dalaraŭ, a nie 132.
Z hazavym pytańniem ŭviazana i skaračeńnie pastavak nafty ŭ Biełaruś.
Ciapier čytajuć
«Niejkaja Liza, jakoj 20 hadoŭ, sudzicca z Łukašenkam» — vialikaja hutarka z novaj vice-śpikierkaj KR Lizavietaj Prakopčyk4
Kamientary