Pračytaŭ na sajcie NN tekst Siarhieja Mikuleviča «Akoŭ pałomanych žandar»: što pisali pra «haradavych» Janka Kupała, Jakub Kołas i Bahuševič». I ździviŭsia: čamu nichto nie zhadaŭ chrestamatyjny vierš Jakuba Kołasa?
A siońnia vierš Jakuba Kołasa, a praŭdziviej jaho apošnija čatyry radki ja ŭspomniŭ z samaha ranku — jak tolki pračnuŭsia i pryhadaŭ ab raspravach z udzielnikami niadaŭnich mitynhaŭ. Voś tyja Kołasavy radki:
Heta ty, miarzaviec,
Ŭzbuntavaŭ narod?
Hej, haradavyja!
Dać jamu ŭpiarod!
Heta radki z napisanaha ŭ 1908 h. vierša «Asadzi nazad!». Radki, zhadziciesia, śvieža hučać i ŭ 2017 h.
Anatol Sidarevič
Jakub Kołas. Asadzi nazad
Asadzi nazad
Drenna majo žyćcie,
Ŭsio idzie nie ŭ ład,
I kryčać mnie ŭsiudy:
«Asadzi nazad!»
Boža ty moj miły!
Bjusia ja, jak had,
Tolki ž dzie ni tknusia —
«Asadzi nazad!»
Pomniu, ja žaniŭsia,
Dobry byŭ moj svat.
K dzieŭcy nos patknuli —
«Asadzi nazad!»
Dzieŭka była važna,
Dy susied Kandrat
Mnie nahu padstaviŭ —
«Asadzi nazad!»
Trapiŭ raz u horad,
Byŭ jakraz parad,
Lezu ja napierad —
«Asadzi nazad!»
U zasiekach pusta,
Žyta vybiŭ hrad.
— Daj, staršyńka, ssudy.
— «Asadzi nazad!»
Ja z kapiejki źbiŭsia,
Zarabić ja rad.
— Ci niama raboty?
— «Asadzi nazad!»
Sam ja rastrapaŭsia,
Lezie ź pleč chałat.
— Pamažecie, ludzi!
— «Asadzi nazad!»
Syna svajho ŭ ludzi
Vyvieŭ by Ihnat.
— Voś moj syn, panočki!
— «Asadzi nazad!»
Chleb prysłali ŭ viosku,
Tam hałodnych šmat.
Prusia ja ź miašečkam —
«Asadzi nazad!»
Hałavu ja maju:
Byŭ by deputat.
— Cenzu ty nia maješ,
«Asadzi nazad!»
Praŭda, što taicca,
Byŭ i moj čarod:
Dva razy na žyćci
Vyjšaŭ ja ŭpiarod.
Ŭzbuntavaŭ ja viosku.
Oj, byŭ ciažki hod!
Pryjazdžaje prystaŭ:
— Vychadzi ŭpiarod!
Heta ty, miarzaviec,
Ŭzbuntavaŭ narod?
Hej, haradavyja!
Dać jamu ŭpiarod!
1908
Ciapier čytajuć
U Kijevie za špijanaž aryštavali biełaruskuju žurnalistku Inu Kardaš. Kažuć, z 2015 hoda jana pracavała na KDB26
Kamientary