Pamier strachavoj vypłaty pry afarmleńni DTZ biez vykliku supracoŭnikaŭ DAI moža ŭzraści z 400 da 600 jeŭra. Pra heta paviedamiła namieśnik načalnika hałoŭnaha ŭpraŭleńnia strachavoha nahladu Ministerstva finansaŭ Natalla Novikava ŭ čas kruhłaha stała «Novaja stratehija raźvićcia finansavaha rynku: što źmienicca da 2020 hoda» ŭ pres-centry BIEŁTA.
Ministerstvam finansaŭ padrychtavany i znachodzicca na stadyi ŭzhadnieńnia prajekt ukaza, jaki nakiravany na realizacyju respublikanskaj prahramy raźvićcia strachavoj dziejnaści i stratehii raźvićcia finansavaha rynku. Dakumient źmiaščaje šmat prapanoŭ pa masavych vidach abaviazkovaha strachavańnia.
«U pryvatnaści, pa abaviazkovym strachavańni hramadzianskaj adkaznaści ŭładalnikaŭ transpartnych srodkaŭ płanujecca pavieličeńnie pamieru strachavoj vypłaty pry afarmleńni DTZ biez vykliku supracoŭnikaŭ DAI z 400 da 600 jeŭra. Pa abaviazkovym strachavańni budynkaŭ, što prynaležać hramadzianam, praduhledžvajecca źnižeńnie strachavoha taryfu i pašyreńnie pieraliku strachavalnikaŭ, jakija majuć ilhoty pa vypłacie strachavych uznosaŭ», — skazała Natalla Novikava. Praduhledžany i inšyja navacyi, nakiravanyja na ŭzmacnieńnie abarony majomasnych intaresaŭ hramadzian i arhanizacyj.
U prajekcie ŭkaza zakładziena šmat kirunkaŭ pa dedalaryzacyi strachavoha rynku. «My prapanujem adyści ad pryviazki da zamiežnaj valuty, u pryvatnaści, da jeŭra pa asobnych vidach abaviazkovaha strachavańnia, a taksama pry ŭstanaŭleńni pamieru minimalnaha statutnaha fondu strachavych arhanizacyj i strachavych brokieraŭ. Spadziajomsia, što hetyja miery buduć stanoŭča ŭspryniatyja jak prafiesijnymi ŭdzielnikami strachavoha rynku, tak i spažyŭcami strachavych pasłuh, jakim, niesumnienna, zručniej viedać pamier strachavych uznosaŭ u biełaruskich rublach i nie dumać ab źmianieńni kursaŭ», — dadała jana.
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača49
Kamientary