Aŭstralija ŭzmacniaje žorstkaść mihracyjnaha zakanadaŭstva, uskładniajučy praceduru atrymańnia hramadzianstva krainy. Ciapier kandydaty buduć zdavać surjoznyja testy na viedańnie anhlijskaj movy i «aŭstralijskich kaštoŭnaściaŭ», paviedamlaje VVS.
Pra ŭviadzieńnie novych pravił abviaściŭ premjer-ministr krainy Małkalm Ternbuł.
Asoby, jakija padajuć na hramadzianstva, taksama abaviazanyja buduć dać dokazy svajho pastajannaha pražyvańnia ŭ krainie na praciahu čatyroch hadoŭ — raniej hety termin składaŭ adzin hod.
Pra rašeńnie stała viadoma ŭsiaho praz dva dni paśla taho, jak Aŭstralija abviaściła pra namier zrabić bolš žorstkimi praviły vydačy pracoŭnych viz zamiežnikam.
Ternbuł skazaŭ, što novaŭviadzieńni pavinny pryvieści da lepšaj intehracyi mihrantaŭ u aŭstralijskaje hramadstva. Tłumačačy, što takoje «aŭstralijskija kaštoŭnaści», kiraŭnik kabinieta ministraŭ nahadaŭ pra hiendarnuju roŭnaść i svabodu vieravyznańnia.
«Pavaha da žančyn i dziaciej — asnoŭnaja kaštoŭnaść u Aŭstralii», — padkreśliŭ Ternbuł, dadaŭšy, što chatni hvałt nieprymalny.
Źmieny mihracyjnaha zakanadaŭstva:
- Uskładnieny test na viedańnie anhlijskaj movy, jaki ŭklučaje pravierku navykaŭ čytańnia, vusnaj movy, usprymańnia na słych i piśma;
- Pradastaŭleńnie śviedčańniaŭ intehracyi ŭ hramadstva — historyi pracoŭnaj zaniataści, navučańnia abo siabroŭstva ŭ miascovych arhanizacyjach;
- Pastajannaje pražyvańnie ŭ krainie na praciahu čatyroch hadoŭ;
- Padavać na hramadzianstva možna tolki trojčy. Kali čałaviek pasprabuje schitravać abo padmanuć na ekzamienie, budzie ličycca, što jon nie zdaŭ jaho.
Ciapier čytajuć
Zahinuŭ biełaruski dobraachvotnik Alaksiej Łazaraŭ12
Kamientary