Minharvykankam dazvoliŭ niezaležnym prafsajuzam pravieści mitynh na 1 maja, ale zabaraniŭ šeście
Minharvykankam dazvoliŭ pravieści 1 maja mitynh u parku Družby narodaŭ, u šeści ad Akademii navuk da płoščy Banhałor admoviŭ. Pra heta paviedamiŭ staršynia Biełaruskaha kanhresa demakratyčnych prafsajuzaŭ Alaksandr Jarašuk, piša Tut.by.
«Minharvykankam admoviŭ u praviadzieńni šeścia ad Akademii navuk da płoščy Banhałor. Ale dazvoliŭ praviadzieńnie mitynhu ŭ nastupnym paradku: zbor udzielnikaŭ u parku Družby narodaŭ 1 Maja z 17.00 da 17.30, mitynh na sceničnaj placoŭcy parku Družby narodaŭ, dzie z 17.30 da 19.30 z ahulnaj kolkaściu ŭdzielnikaŭ da 2 tysiač», — napisaŭ na svajoj staroncy ŭ Facebook Jarašuk.
Pa słovach Jarašuka, u svaim rašeńni Minharvykankam spasyłajecca na artykuł zakona ab masavych mierapryjemstvach, dzie zabaraniajecca praviadzieńnie masavych mierapryjemstvaŭ u adnym i tym ža miescy ci pa adnym i tym ža maršrucie ruchu.
«My źbirajemsia vyśviatlać u Minharvykankamie abhruntavanaść admovy BKDP u šeści. Haradskija ŭłady pavinny dać adkaz, chto jašče, akramia nas, 1 Maja maje namier pravodzić masavaje mierapryjemstva pa maršrucie Akademija Navuk — płošča Banhałor», — adznačyŭ staršynia BKDP.
Zajaŭku na praviadzieńnie «Maršu salidarnaści» arhkamitet, u jaki ŭvachodziać pradstaŭniki BKDP, Abjadnanaj hramadzianskaj partyi, Biełaruskaj partyi levych «Spraviadlivy śviet», ruchu «Za Svabodu», arhanizacyjnych kamitetaŭ pa stvareńni partyi «BCHD», Partyi pracoŭnych, Biełaruskaj žanočaj partyi «Nadzieja», padaŭ 13 krasavika.
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary