Letni muzyčna-turystyčny siezon u Vierchnim horadzie pačniecca sa śviata biełaruskaj kultury «Vytoki» 30 krasavika, paviedamili karespandentu ahienctva «Minsk-Naviny» ŭ DU «Minskkancert».
Uračystaje adkryćcio projdzie na płoščy Svabody a 13-j. U stalicu z usioj krainy pryjeduć bolš za 200 majstroŭ narodnaj tvorčaści i ramieśnikaŭ. Na scenie la kancertnaj zały «Vierchni horad» na praciahu dnia buduć vystupać narodny ansambl «Viazynka», ansambl narodnaj pieśni «Ciernica», Dziaržaŭny ansambl tanca Respubliki Biełaruś i Biełaruski dziaržaŭny chareahrafičny ansambl «Charoški» (z 20:00 da 22:00).
La karetnaha dvoryka (vuł. Kiryła i Miafodzija, 8) muzykant, salist hurta Vyraj Siarhiej Daŭhušaŭ praviadzie «Śpieŭny schod», kudy luby achvotny moža pryjści, kab navučycca śpiavać biełaruskija narodnyja pieśni: z 15:00 da 16:00 — majstar-kłas pa technikach śpievaŭ, z 16:00 da 17:00 — žanočyja śpievy z kalektyvam «Miareža», z 17:00 da 18:00 udzielniki razam z muzykam Paŭłam Bortnikam vyvučajuć tvory Stanisłava Maniuški i Michaiła Kleafasa Ahinskaha, z 20:00 da 21:00 — mužčynskija śpievy z kalektyvam «Rada», z 21:00 da 22:00 usim prapanujuć razvučvać biasiednyja pieśni.
Uvieś hety čas na terytoryi Vierchniaha horada buduć hatavać stravy biełaruskaj nacyjanalnaj kuchni i znajomić z tradycyjnymi ramiostvami.
Kamientary