Čarnahorski parłamient u piatnicu ratyfikavaŭ pratakoł ab dałučeńni krainy da NATA. Za hetaje rašeńnie prahałasavali 46 deputataŭ, piša VVS.
Apazicyja, jakaja nastojvaje na refierendumie pa pytańni ab dałučeńni da NATA, padčas pasiadžeńnia pravodziła akcyju pratestu. Jaje arhanizataram stała partyja «Demakratyčny front».
Apazicyjaniery zajavili, što nie pryznajuć ratyfikacyju pratakoła ab zhodzie na dałučeńnie Čarnahoryi da NATA, paviedamlaje dziaržaŭnaje telebačańnie.
Premjer-ministr Duška Markavič nazvaŭ hałasavańnie histaryčnaj padziejaj i paraŭnaŭ jaho ź pieršym pryznańniem niezaležnaści Čarnahoryi ŭ 1878 hodzie.
«Siabroŭstva ŭ NATA źjaŭlajecca doŭhaterminovaj harantyjaj suvierenitetu i terytaryjalnaj cełasnaści krainy», — ličyć premjer.
Sacyjałahičnyja apytańni pakazvajuć, što čarnahorskaje hramadstva padzialiłasia na prychilnikaŭ ŭstupleńnia krainy ŭ NATA i kursu na supracoŭnictva z Rasijaj, jakaja vystupała suprać dałučeńnia Čarnahoryi da aljansu.
MZS Rasii asudziŭ rašeńnie čarnahorskaha parłamienta. «U Maskvie nie mohuć nie ŭličvać stratehičnych nastupstvaŭ hetaha kroku. Tamu pakidajem za saboj prava prymać takija rašeńni, jakija nakiravanyja na abaronu našych intaresaŭ i nacyjanalnaj biaśpieki», — havorycca ŭ kamientaryi ministerstva.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary