U kiraŭnictvie Jeŭrapiejskaha viaščalnaha sajuza (JEVS) zajavili, što Maskva i Kijeŭ parušyli praviły «Jeŭrabačańnia», za što ich mohuć adchilić ad udziełu ŭ konkursie na 3 hady.
Pra heta stała viadoma niamieckaj hramadska-pravavoj miedyjakampanii ZDF, paviedamlaje Deutsche Welle.
Na dumku kiraŭnika kamiteta JEVS, ukrainski bok parušyŭ praviły praviadzieńnia konkursu, nie dapuściŭšy ŭ krainu ŭdzielnicu z Rasii Juliju Samojłavu. Abaviazkam krainy, jakaja prymaje konkurs, źjaŭlajecca dopusk ŭsich biez vyklučeńnia haściej konkursu, rastłumačyŭ kiraŭnik kirujučaha kamiteta JEVS Frank-Dyter Frajlinh (Frank-Dieter Freiling).
Rasijskaha ž boku nie było na abaviazkovych pasiedžańniach pa padrychtoŭcy konkursu ŭ Kijevie, ukazaŭ jon.
U suviazi z hetym abiedźvium krainam, jakija ŭvachodziać u JEVS, pahražaje pakarańnie ŭ vyhladzie zabarony na ŭdzieł u konkursie z 2018 pa 2020 hady, hrašovaha štrafu abo vyvadu sponsarskich akcyj, zajaviŭ Frank-Dyter Frajlinh.
Rašeńnie pa sankcyjach budzie pryniataje paśla šou.
Parušeńni praviłaŭ konkursu Rasijaj i Ukrainaj buduć abmiarkoŭvacca kirujučym kamitetam u ramkach standartnaj pracedury pa zaviaršeńni «Jeŭrabačańnia-2017» u mai, paśla čaho budzie pryniataje adpaviednaje rašeńnie, paviedamili ŭ pres-słužbie JEVS. Papiarednie, vierdykt u dačynieńni da dźviuch krain budzie vyniesieny 12 červienia.
U krasaviku rasijski «Pieršy kanał» vyrašyŭ nie tranślavać «Jeŭrabačańnie» ŭ Kijevie praz admovu ŭkrainskich uładaŭ dapuścić u krainu dla ŭdziełu ŭ konkursie rasijskuju śpiavačku Juliju Samojłavu. Jon taksama adchiliŭ prapanovy zamianić ŭdzielnicu abo zabiaśpiečyć tranślacyju jaje vystupu z Maskvy.
Ukraina zabaraniła Samojłavaj ŭjezd u krainu na try hady za jaje niaŭzhodnienaje z Kijevam naviedvańnie anieksavanaha Rasijaj Kryma.
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć24
Kamientary