U Minsku nazvali łaŭreataŭ premii za najlepšuju biełaruskuju knihu ŭ halinie non-fiction
U Minsku 11 maja prajšło ŭručeńnie premii Alaksandra i Maryi Stahanovičaŭ, zasnavanaj u halinie non-fiction ich dačkoj — mastačkaj Tamara Stahanovič z ZŠA.
Sioleta premija ŭručałasia druhi raz.
Łaŭreatam pieršaj premii staŭ žurnalist Radyjo Svaboda Źmicier Bartosik za knihu «Byŭ u pana vierabiejka havaruščy».
Druhoje miesca atrymała kniha ŭspaminaŭ Vitaŭta Kipiela «Žyć i dzieić».
Treciuju premiju atrymaŭ Siarhiej Čyhryn za knihu «Na radzimie Ihnata Dvarčanina: z krajaznaŭčych vandrovak pa Dziatłaŭščynie».
***
Partniorami ŭ arhanizacyi konkursu i ŭručeńni premii vystupili: Biełaruski instytut navuki i mastactva, HA «Sajuz biełaruskich piśmieńnikaŭ», MHA «Zhurtavańnie biełarusaŭ śvietu «Baćkaŭščyna», vydaviectva «Limaryus».
Troch pieramožcaŭ konkursu vyznačaje kampietentnaje žury: litaraturaznaŭca Iryna Bahdanovič, historyk Natalla Hardzijenka; zahadčyk adździeła staradrukaŭ i redkich vydańniaŭ Prezidenckaj biblijateki Valer Hierasimaŭ; paet Viktar Žybul; - dyrektar Biełaruskaha dziaržaŭnaha archiva-muzieja litaratury i mastactva Hanna Zapartyka; litaratar i vydaviec Uładzimir Siŭčykaŭ; dyrektar vydaviectva «Limaryus» Maryna Šybko.
Sioleta na konkurs było pradstaŭlena 26 tvoraŭ. U łonh-list uvajšli 15, u karotki śpis — 7.
Natalla Hardzijenka zaznačyła, što premija — vielmi dobraja nahoda, kab uzhadać samich Stahanovičaŭ, ich ramantyčnaje kachańnie, jak jany apynulisia ŭ emihracyi ŭ ZŠA. Paśla ich zastalisia ŭspaminy, pra jakija pa-za siamjoj nichto nie viedaŭ. Dačka Tamara navažyłasia apublikavać ich i zasnavać premiju imia svaich baćkoŭ.
Kiraŭnik hramadskaha abjadnańnia biełarusaŭ śvietu «Baćkaŭščyna» Alena Makoŭskaja ŭzhadała premii, jakija zasnavanyja ŭ zamiežžy, ale ŭručajucca tut, u Biełarusi. Premija Stahanovičaŭ — simvał taho, što jość pierajemnaść i što ŭ dakumientalnaj litaratury niama cenzury.
***
Hod tamu łaŭreatam pieršaj premii Stahanovičaŭ staŭ Siarhiej Dubaviec za knihu «Majstroŭnia. Historyja adnaho cuda».
-
Maksim Znak apublikavaŭ svaje muzyčnyja zapisy na stryminhach
-
Kali ŭ 1979‑m «Kałasy pad siarpom tvaim» vyjšli pa-rusku nakładam 100 tysiač asobnikaŭ, imi handlavali minskija taksisty. Nastolki papularny byŭ Karatkievič
-
Pryckieraŭskaja premija 2026 hoda dastałasia čylijcu, jaki stvaraje miražy. Jaho estetyka krochkaści pieramahła manumientalny pafas
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?16
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary