Pa mienšaj miery 141 čałaviek zahinuŭ u vyniku napadu na avijabazu Livijskaj nacyjanalnaj armii (ŁNA) na poŭdni krainy. Pra heta paviedamiła Agence France-Presse sa spasyłkaj na vajskoŭcaŭ.
Raniej telekanał Sky News Arabia sa spasyłkaj na miascovych miedykaŭ paviedamlaŭ pra 134 zahinułych ŭ vyniku ataki.
18 maja atrady tak zvanaj treciaj siły, kaściak jakoj składajuć uzbrojenyja farmiravańnia ź Misuraty, što farmalna padparadkoŭvajucca Minabarony va ŭradzie nacyjanalnaj zhody Faiza Saradža, atakavali aeradrom pad Birakam (500 km ad Trypali), jaho abaraniali padraździaleńnia ŁNA fieldmaršała Chalify Chaftara. Pavodle najaŭnych dadzienych, tych, chto napadaŭ, padtrymlivali «Bryhady abarony Bienhazi», źviazanyja z «Al-Kaidaj». Ataku ŭdałosia adbić, siarod zahinułych — jak vajskoŭcy, tak i mirnyja žychary.
Masavyja achviary
Vialikaja kolkaść achviaraŭ daje padstavy mierkavać masavuju stratu, piša «Niamieckaja Chvala». Jak minimum piać vajskoŭcaŭ byli abiezhałoŭlenyja. Pry hetym siarod achviar byli mirnyja žychary, jakija absłuhoŭvali avijabazu abo pracavali ŭ prylehłych da jaje rajonach.
Urad nacyjanalnaha zhody (UNZ) 19 maja paviedamiŭ, što stvoryć admysłovuju kamisiju dla rasśledavańnia taho, što adbyłosia.
Pry hetym va UNZ užo abvierhli dačynieńnie da napadu, asudziŭšy jaho i zajaviŭšy, što ničoha nie viedali ab padrychtoŭcy šturmu.
Dvojeŭładździe ŭ Livii
Urad nacyjanalnaha zhody ŭ Livii, stvorany pry padtrymcy AAN u kancy 2015 hoda, raspačaŭ pracu ŭ studzieni 2016 hoda. Uładam, pryznanym mižnarodnaj supolnaściu, da hetaha času nie ŭdałosia ŭstalavać kantrol nad usioj krainaj — jany kantralujuć tolki jaje zachodnija rajony. Na ŭschodzie ŭ horadzie Tvbruk dziejničaje samaabvieščany parłamient. Pry hetym miascovyja ŭłady niepadkantrolnyja Trypali i supracoŭničajuć ź miaciežnym hienierałam Chalifoj Chaftarom.
U ES užo zajavili, što napad na avijabazu stavić pad pahrozu pieramovy pa mirnym urehulavańni kryzisu ŭ krainie.
«Ja aburany paviedamleńniami ab značnym liku achviaraŭ, u tym liku mirnych hramadzian, a taksama infarmacyjaj ab tym, što tam mahli ździajśniacca masavyja pakarańni», - adznačyŭ śpiecyjalny pradstaŭnik hienieralnaha sakratara AAN u Livii Marcin Kobler.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy5
Kamientary