U Biełarusi źjaviŭsia novy hramadski ruch z šyrokim śpisam dekłaravanych metaŭ — «Dzieja».
Kiruje novym rucham rada ź dzieviaci čałaviek, siarod jakich były namieśnik staršyni «Rucha za svabodu» Aleś Łahviniec.
Čamu były? Ad pačatku sakavika Łahviniec syšoŭ z raniejšaj arhanizacyi, ciapier jon siarod tych dzieviaci čałaviek, što kirujuć «Dziejaj».
Da jaho my i źviarnulisia pa kamientaryj, navošta ŭ apazicyi jašče adna arhanizacyja.
«Heta novyja inicyjatyva, što jadnaje adnadumcaŭ, jakija chočuć dziejničać razam, stanoŭča, kanstruktyŭna, — skazaŭ Łahviniec. — 20 maja my praviali ŭstanoŭčy schod, budziem sprabavać zarehistravać «Dzieju» jak daśledčyckaje aśvietnickaje hramadskaje abjadnańnie. My budziem skiravanyja na hramadzianski čyn. Budziem pracavać dla pašyreńnia kaštoŭnaściaŭ nacyjanalnaha adradžeńnia, svabody i dziela macavańnia niezaležnaści Biełarusi».
Aktyvisty «Dziei» ŭžo inicyjavali zbor podpisaŭ za pomnik hierojam Słuckaha antysavieckaha paŭstańnia, taksama zajmajucca pierakładam tekstaŭ zakonaŭ na biełaruskuju movu.
Łahviniec nie staŭ tłumačyć, čamu nie zachacieŭ rabić heta ŭ miežach «Ruchu za svabodu», a pierajšoŭ ŭ novastvoranuju «Dzieju».
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku
Kamientary