U Minsku, na vulicy Iljinskaj, słužbovy VAZ Centralnaha RUUS urezaŭsia ŭ pryparkavany hruzavy aŭtamabil. U mašynie znachodzilisia dva supracoŭniki milicyi, a taksama zatrymany pravaparušalnik i jaho maci. Pra avaryju paviedamili vidavočcy. Infarmacyju paćvierdzili ŭ DAI Centralnaha rajona, piša Tut.by.
Jak raspaviali ŭ DAI Centralnaha rajona, avaryja adbyłasia kala 17.00.
«Słužbovy aŭtamabil ruchaŭsia pa vulicy Iljinskaj, z boku vulicy Kniahinskaj u kirunku Miastraŭskaj. Aŭtamabil ruchaŭsia ŭ druhoj pałasie, a zatym zrušyŭsia naprava i ździejśniŭ najezd na pryparkavanuju furu. U fury nikoha nie było. Pryčyny DTZ vyśviatlajucca», — paviedamili ŭ DAI.
U mašynie znachodzilisia čatyry čałavieki — dvoje milicyjantaŭ, zatrymany pravaparušalnik i jaho maci. Usie jany atrymali traŭmy roznaj stupieni ciažkaści i byli dastaŭlenyja ŭ balnicu. Minskaja DAI pravodzić pravierku pa dadzienym fakcie. Pasažyrku zacisnuła ŭ sałonie — dla jaje debłakiroŭki spatrebiłasia dapamoha ratavalnikaŭ.
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary