MZS Biełarusi zapatrabavaŭ ad Litvy tłumačeńniaŭ u suviazi z vykazvańniami Hrybaŭskajcie
6 červienia ŭ suviazi z vykazvańniami prezydenta Litoŭskaj Respubliki Dali Hrybaŭskajcie ŭ interviju telekampanii LRT u MZS Biełarusi byŭ vyklikany ambasadar Litvy.
«Padčas sustrečy biełaruski bok zapatrabavaŭ tłumačeńniaŭ u suviazi z abvinavačvańniami Biełarusi ŭ pahrozie dla krain Bałtyi i Polščy, jakija prahučali ŭ z vusnaŭ kiraŭnika litoŭskaj dziaržavy», — havorycca ŭ paviedamleńni biełaruskaha źniešniepalityčnaha viedamstva.
Jak padkreślivaje MZS, «asabliva było adznačana, što vykarystanaja prezydentam Litvy leksyka, uklučajučy słovy «ahresiŭnyja hulni», źjaŭlajecca abrazaj dla našaj krainy, jakaja viadzie miralubnuju palityku, jakaja ŭnosić realny i ahulnapryznany ŭniosak u spravu ŭmacavańnia biaśpieki našaha rehijonu».
5 červienia ŭ interviju telekampanii LRT pierad svaim vizytam u Estoniju Hrybaŭskajcie skazała: «Estonija, jak i Łatvija ci Polšča, nam vielmi važnaja, bo hety rehijon — heta ŭschodniaje pamiežža NATO, tamu vykliki i pahrozy — tyja samyja. Heta znachodžańnie na ŭschod ad nas Rasiei i Biełarusi. Viadoma, i militaryzacyja, jakuju my bačym u Kalininhradzie, vykarystańnie terytoryi Biełarusi dla roznych eksperymentaŭ i niebiaśpiečnych hulniaŭ, skiravanych suprać Zachadu. Siarod ich — i budučyja vajskovyja maneŭry», — adznačyła Hrybaŭskajte.
Biełaruska-rasiejskija vučeńni «Zachad-2017» projduć na terytoryi Biełarusi i Rasiei ŭ vieraśni. Temaj vučeńniaŭ nazvanaja padrychtoŭka i prymianieńnie hrupovak vojskaŭ (sił) u intaresach zabieśpiačeńnia vajskovaj biaśpieki Sajuznaj dziaržavy.
Hrybaŭskajcie raniej kazała, što krainy Bałtyi buduć damahacca dadatkovych zachadaŭ biaśpieki ad ZŠA i NATO ŭ suviazi z vučeńniami.
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ18
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary