Pieramohu na vybarach u parłamient atrymali kansiervatary, ale jany stracili absalutnuju bolšaść. Dla farmiravańnia ŭrada im tre' budzie kaalicyja ź junijanistami Paŭnočnaj Irłandyi.
Skančajecca padlik hałasoŭ na daterminovych vybarach u Brytanii, tamu dadzienyja roźniacca. Nižniaja pałata (Pałata abščyn) — 650 miescaŭ — abirajecca pavodle mažarytarnaj sistemy ŭ adzin tur. Dla taho, kab zabiaśpiečyć sabie absalutnuju bolšaść, partyja pavinna atrymać 326 miescaŭ.
Paśla apracoŭki ŭsich źviestak sa 650 učastkaŭ, kansiervatary atrymali 315 miescaŭ, lejbarysty — 261, Šatłandskaja nacyjanalnaja partyja — 35, libieralnyja demakraty — 12, junijanisty Paŭnočnaj Irłandyi — 10, zialonyja — 1, inšyja — 12.
U lubym vypadku Tereza Mej zrabiła vielmi ryzykoŭny palityčny chod i prajhrała, piša Bi-bi-si.
Joj było nieabaviazkova abviaščać hetyja daterminovyja vybary, ale jana abviaściła, kab atrymać mandat na viadzieńnie pieramoŭ pa «breksitu» i prastoru dla manieŭru. Usiaho niekalki tydniaŭ tamu pazicyi Mej zdavalisia mocnymi, ale słabaja kampanija i praciŭniki ŭ asobie Lejbarysckaj partyi, całkam mahčyma, razburyli nadziei tory, padkreślivaje Bi-bi-si.
Analityki banka City miarkujuć, što Mej padaść u adstaŭku.
Na fonie vynikaŭ brytanski funt pačaŭ tańnieć adnosna dalara.
Taksama vybary pakazali, što hramadstva, jak i na referendumie, moža pierakulić usie nadziei.
Jak miarkujecca, urad sfarmirujuć kansiervatary ŭ kaalicyi ź junijanistami Paŭnočnaj Irłandyi.
Kamientary