Žychar stalicy čas ad času ŭžyvaŭ roznyja narkotyki. Adzin ź dzion jon zamoviŭ u narkašopie dozu kakainu.
Paśla paćvierdžańnia apłaty administratar prysłaŭ jamu hieahrafičnyja kaardynaty i fatahrafiju miascovaści, dzie treba było zabrać zakaz. Za im fihurant adpraviŭsia na arandavanym elektrasamakacie, pišuć Minsk-naviny.
U lasnym masivie jon chutka adšukaŭ dźvie palimiernyja prabirki z paraškom, pakłaŭ ich u kišeniu i nakiravaŭsia dadomu. Pobač z adnym z žyłych damoŭ na vuł. Staletava jaho spynili apieratyŭniki narkakontrolu. Zatrymanaha dastavili ŭ Partyzanskaje RUUS, dzie padčas asabistaha ahladu ŭ jaho vyjavili kakain 0,38 h. U dačynieńni da mužčyny zaviali kryminalnuju spravu.
— Jamu vystaŭlena abvinavačańnie ŭ niezakonnych biez mety zbytu nabyćci, zachavańni i pieravozcy narkatyčnych srodkaŭ, heta značyć u ździajśnieńni złačynstva, praduhledžanaha č. 1 art. 328 KK, sankcyja jakoj — da piaci hadoŭ pazbaŭleńnia voli, — prakamientavaŭ namieśnik prakurora Partyzanskaha rajona Cimúr Stužúk.
— Vinu hramadzianin całkam pryznaŭ, u ździejśnienym raskajaŭsia. U dačynieńni da jaho prymieniena miera strymańnia ŭ vyhladzie załohu.
Ciapier čytajuć
Minčuki skardziacca na atručvańnie paśla naviedvańnia viadomaha restarana. Pracu ŭstanovy prypynili5
Kamientary