Hienprakuratura — Bialackamu: Vykładzienaja ŭ zajavie infarmacyja nakont katavańniaŭ nosić mierkavany charaktar
Pravaabaroniec Aleś Bialacki źviartaŭsia da Hienieralnaha prakurora Biełarusi z prośbaju inicyjavać pravierku ab mahčymym vykarystańni katavańniaŭ u dačynieńni da asob, jakija ŭtrymlivajucca ŭ SIZA KDB i MUS. Ich abvinavačvajuć pa spravie ab padrychtoŭcy masavych biesparadkaŭ i dziejnaści niezakonnaha ŭzbrojenaha farmavańnia.
Sychodziačy sa šmatlikich publikacyj u ŚMI, pravaabaronca vykazvaŭ zaniepakojenaść, što «supracoŭnikami milicyi, pradstaŭnikami inšych dziaržaŭnych orhanaŭ da zatrymanych mahli być niezakonna vykarystanyja śpiecyjalnyja srodki i fizičnaja siła. Tak, adzin z zatrymanych pa spravie Mirasłaŭ Łazoŭski, jak vynikaje ź siužetu, pakazanym pa nacyjanalnym telebačańni, padčas zatrymańnia byŭ źbity, na tvary byli ślady kryvi i pabojaŭ. Miž tym zakonnaść i nieabchodnaść prymianieńnia da jaho fizyčnaj siły supracoŭnikami milicyi pavinny stroha adpaviadać patrabavańniam dziejučaha zakanadaŭstva, nie mieć charaktar ździekaŭ i katavańniaŭ».
Hienprakuratura, nie abciažarvajučy siabie pravierkami, na zvarot pravaabaroncy nakont infarmacyi pra mahčymyja katavańni adkazała nastupnaje:
«..Vykładzienaja ŭ zajavie infarmacyja nosić mierkavany charaktar, nie ŭtrymlivaje kankretnych źviestak ab prykmietach supraćpraŭnaj dziejnaści z boku supracoŭnikaŭ pravaachoŭnych orhanaŭ, nie padćviardžajecca zvarotami ŭkazanych u zajavie asob ci ich advakataŭ, a tamu… padstaŭ dla prakurorskaj pravierki niama».
Kamientary