Milicyja pa haračych śladach zatrymała minčuka, padazravanaha ŭ zabojstvie znajomaha. Padrabiaznaści raspaviali ŭ HUUS Minharvykankama.
Znachodziačysia 7 červienia ŭ haściach u kvatery na vuł. Jasienina, 28-hadovy niepracujučy, raniej sudzimy minčuk u chodzie pjanaj svarki nanios 42-hadovamu znajomamu dva ŭdary kuchonnym nažom u vobłaść hrudnoj kletki. Pry hetym nie raźličyŭ siłu ŭdaru i sam sabie parezaŭ zapiaście. 42-hadovy mužčyna ŭ vyniku atrymanych ranieńniaŭ skanaŭ. Miedyki, jakich vyklikali žančyny, jakija adpačyvali ŭ toj viečar u kampanii mužčyn, paviedamili pra zdareńnie ŭ milicyju.
Apieratyŭniki vyrašyli vystavić adnu hrupu zatrymańnia pa miescy žycharstva padazravanaha, druhuju — u jaho svajački, jakaja žyvie niepadalok ad miesca złačynstva. I nie praličylisia: mienavita da svajački i nakiravaŭsia mužčyna. Kryvavaja rana na jahonym zapiaści spraściła pieraśled: pa kroplach kryvi možna było vyznačyć maršrut padazravanaha. Jon, ubačyŭšy milicyjantaŭ, pasprabavaŭ uciačy, ale byŭ zatrymany.
Mužčyna raniej sudzimy za kradziež, pałavyja znosiny i inšyja dziejańni seksualnaha charaktaru z asobaj, jakaja nie dasiahnuła šasnaccacihadovaha ŭzrostu. Zahinuły taksama pryciahvaŭsia — byŭ asudžany za naŭmysnaje pryčynieńnie ciažkaha cialesnaha paškodžańnia, uchileńnie ad adbyćcia pakarańnia ŭ vyhladzie abmiežavańnia voli, papraŭčych rabot.
U dačynieńni da złamyśnika raspačataja kryminalnaja sprava pa č. 1 art. 139 «Zabojstva» KK RB. Sankcyja nazvanaj častcy artykuła praduhledžvaje adkaznaść u vyhladzie pazbaŭleńnia voli terminam da 15 hadoŭ pazbaŭleńnia voli.
Ciapier čytajuć
U Varšavu pryjechała sotnia biełaruskich palitviaźniaŭ17
Kamientary