Supierboj, pra jaki havaryłasia ŭžo daŭno, urešcie adbudziecca 26 žniŭnia — najlepšy baksior sučasnaści Fłojd Mejuezier sustreniecca (12 raŭndaŭ pa praviłach boksu) z bajcom źmiašanych adzinaborstvaŭ Konaram MakHreharam.
Što Konar, što Fłojd — strašna miedyjnyja asoby z proćmaj fanataŭ. Da taho ž z adnoj vahavaj katehoryi.
Tamu čutki pra imavierny boj pamiž imi byli daŭno, ale mała chto vieryŭ u realnaść padziei, pakul Mejuezier nie paćvierdziŭ jaje ŭ svaim instahramie.
Što treba viedać pra bajcoŭ, kab razumieć, što hety boj admietny?
Fłojd — unikum, jaki pravioŭ 49 bajoŭ i nie prajhraŭ ni razu (chacia sprečnyja bai i byli, naprykład, z Oskaram De Ła Choja). Jon ličycca najlepšym baksioram za ŭsie časy niezaležna ad vahavaj katehoryi, vałodaje fienamienalnaj technikaj, biezdakorna abaraniajecca.
Praŭda, Mejuezier užo skončyŭ karjeru — svoj apošni boj jon pravioŭ u 2015 hodzie. Ciapier baksior epatuje svaich padpisantaŭ u instahramie, vykładvajučy roznyja luksavyja fota (jość z čaho — za svoj pieradapošni boj z Meni Pakjaa jon zarabiŭ ahułam kala $150 miljonaŭ).
Čytajcie taksama: Rabavańnie stahodździa: Mejuezier vs Pakjaa
Supiernik baksiora — irłandziec Konar MakHrehar, bajec źmiašanych adzinaborstvaŭ, jaki vałodaje dvuma pajasami UFC.
MakHrehar adnosna niadaŭna staŭ zorkaj źmiašanych adzinaborstvaŭ, pavodle rejtynhu UFC jon zajmaje druhoje miesiaca siarod bajcoŭ niezaležna ad vahavaj katehoryi.
Jaho statystyka ŭ aktahonie — 21 pieramoha, 3 parazy.
Ale tut varta dadać, što svaju viadomaść MakHrerar atrymaŭ u bolšaj stupieni dziakujučy epatažnym pavodzinam, čym vybitnym pośpiecham.
Tamu niekatoryja ekśpierty i nazyvajuć hety boj «dniom śmierci boksa» i pieramohi hrošaj nad zdarovym sensam.
Što zmoža pakazać čałaviek, jaki nie maje baksiorskaha razradu, u supraćstajańni z najlepšym baksioram sučasnaści? Boj budzie pravodzicca pa praviłach boksu, dzie Konar nie zdoleje dziejničać nahami ci barocca.
Kolišniaja zorka boksu Oskar De Ła Choja nazvaŭ hety boj «cyrkam» i skazaŭ, što paśla takoj padziei boks užo nie zmoža adnavicca.
Pakul nie viadoma dakładna, kolki hrošaj atrymajuć kožny z bajcoŭ za hety boj, ale papiarednie — $75 miljonaŭ MakHreraru, bolej za $100 miljonaŭ Mejuezieru. Bajcy pačali padrychtoŭku i pakul u kamplimientarnym styli vykazvajucca adzin pra adnaho.
Bukmiekierskija kantory ličać najbolš imaviernaj pieramohu Mejueziera nakaŭtam.
-
Adzin trenier pracuje na Alimpijadzie adrazu z 16‑ciu fihurystami z 13‑ci krain. Tolki paśpiavaj pieraapranacca
-
Frańja fon Almien staŭ trochrazovym alimpijskim čempijonam
-
Uładalnik «MŁ Viciebsk» pra mety kłuba: Vyjhrać čempijanat, Kubak i Supierkubak, a taksama prajści ŭ hrupavy etap adnaho ź jeŭrakubkaŭ
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja50
Kamientary