Architekturnaja firma Cazza paviedamiła, što pabuduje ŭ Dubai pieršy ŭ śviecie chmaračos z dapamohaj 3D-pryntara. Paviedamlajecca, što pry budaŭnictvie budzie vykarystoŭvacca inavacyjnaja technałohija kranavaha druku.
U intervju Construction Week Online hienieralny dyrektar Cazza Krys Kieśli paviedamiŭ: «Kali my dumali nad ukaranieńniem 3D-pryntaraŭ u budaŭnictvie, u pieršuju čarhu my razhladali mahčymaść budaŭnictva takim čynam zvyčajnych nievialikich damoŭ. Ale zabudoŭščyki spytali ŭ nas, ci možna takim čynam pabudavać chmaračos. My zrabili niekalki daśledavańniaŭ i vyjavili, što technałohiju možna vykarystoŭvać i dla budaŭnictva vysokich budynkaŭ».
3D-pryntary mohuć być intehravany sa zvyčajnymi kranami, takim čynam architektaram nie pryjdziecca stvarać novyja krany.
Źniešnie chmaračosy, «nadrukavanyja» 3D-pryntaram, nie buduć adroźnivacca ad zvyčajnych. Košt takoha budaŭnictva budzie nižejšy, čym pry kłasičnaj technałohii, u toj čas jak chutkaść uźviadzieńnia pavialičycca.
U Dubai znachodzicca vialikaja kolkaść architekturnych biuro, jakija prajektujuć chmaračosy pa samych sučasnych technałohijach. Sioleta ŭ lutym stała viadoma pra toje, što da 2020 hoda ŭ horadzie źjavicca pieršy ŭ śviecie chmaračos, kožny pavierch jakoha zmoža krucicca pad svaim vuhłom.
Ciapier čytajuć
U Tajłandzie źnikła anlifanščyca ź Pinska. Jaje mahli pradać u Mjanmu4
Kamientary