U Navapołacku siońnia ranicaj pamior 30-hadovy bajkier, jaki ŭrezaŭsia ŭ ścianu prachadnoj zavoda «Palimir». Jak pieradaje BiełTA sa spasyłkaj na DAI UUS Viciebskaha abłvykankama. Zdareńnie adbyłosia ŭ subotu ŭviečary kala 19.40 kala 8-j i 9-j prachadnych pradpryjemstva.
Kiroŭca matacykła «Chonda» nie spraviŭsia z kiravańniem na skryžavańni, źjechaŭ u kiuviet, a zatym urezaŭsia ŭ ścianu. Tarmazny šlach matacykła na prajeznaj častcy skłaŭ kala 80 mietraŭ, za jaje miežami — kala 30 mietraŭ. Pavodle papiarednich vysnovaŭ DAI, chutkaść «Chondy» była značna vyšejšaj za dapuščalnuju, što i stała pryčynaj avaryi.
Kamientary