U administracyi ZŠA ŭskłali na Pchieńjan adkaznaść za śmierć amierykanskaha studenta Ota Vambijera, jakaja nastupiła praź niekalki dzion paśla jaho vyzvaleńnia z paŭnočnakarejskaj turmy.
Prezident Donald Tramp z žonkaj Miełanijaj vykazali siamji Vambijera hłybokija spačuvańni. «Dla baćkoŭ niama ničoha bolš trahičnaha, čym stracić syna ŭ roskvicie sił», — adznačyŭ kiraŭnik Biełaha doma.
Pavodle jaho słoŭ, los Vambijera ŭmacuje rašučaść administracyi ŭ praduchileńni padobnych trahiedyj. Pavodle jaho słoŭ, «niavinnyja ludzi» stanoviacca achviarami režymaŭ, «jakija nie pavažajuć viaršenstva zakona i elemientarnuju čałaviečuju prystojnaść». «ZŠA znoŭ asudžajuć žorstkaść paŭnočnakarejskaha režymu», — padkreśliŭ Tramp.
U svaju čarhu, dziaržsakratar Reks Tylersan, vykazaŭšy spačuvańni, zajaviŭ, što «Paŭnočnaja Kareja niasie adkaznaść za niespraviadlivaje turemnaje źniavoleńnie Ota Vambijera». Jon zapatrabavaŭ vyzvaleńnia troch inšych amierykancaŭ, jakija byli «niezakonna zatrymanyja».
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami23
Kamientary