U Instahramie novy trend: sełfi paśla razvodu
Zvyčajna pryniata dzialicca ŭ sacsietkach tolki ščaślivymi momantami žyćcia: viasielle, novaja sukienka, śviatkavańnie dnia naradžeńnia ŭ restaranie ci naradžeńnie dziciaci. Ale kali razvod dla čałavieka — heta taksama prosta jašče adzin etap, čamu b nie zafiksavać hetuju padzieju na pamiać, zrabiŭšy raźvitalnaje sełfi? Mienavita tak i pastupajuć učarašnija pary pa ŭsim śviecie, paznačajučy fotazdymki chešteham #divorceselfie.
Pačałosia ŭsio z Krysa i Šenan z Kanady, a potym hetuju «modu» padchapili i inšyja.
U historyjach pad fota ludzi ŭzhadvajuć viasiołyja momanty sa svaich lovestory, niechta adznačaje, što skasavańnie šlubu stała dla ich ablahčeńniem, a niechta dziakuje partnioru za ŭsio dobraje. Karaciej, roznyja ludzi — rozny los. Pračytać usie možna pa cheštehu #divorceselfie. Na postsavieckaj prastory da jaho dadalisia #razvod, #raźvialisia i inšyja.
Pavodle statystyki Biełstata za 2016 hod, na 10 viasiellaŭ u Biełarusi prychodzicca piać razvodaŭ. Najbolšaja dola fiksavałasia na Viciebščynie i Homielščynie, a najmienšaja — na Hrodzienščynie i Brestčynie.
A padpisacca na instahram Našaj Nivy možna tut.
Čytajcie taksama: Na 10 viasiellaŭ — 7 razvodaŭ. Top miescaŭ Biełarusi, dzie šluby razvalvajucca čaściej za ŭsio
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary