U ZŠA paśpiachova zaviaršylisia kliničnyja vyprabavańni ŭnikalnaha płastyru, jaki vystupaje ŭ jakaści alternatyvy tradycyjnym injekcyjam vakcyny ad hrypu, piša Hi-News. Usia chitraść zaklučajecca ŭ tym, što ŭnutranaja pavierchnia płastyru ŭtrymlivaje mikraihły, jakija biazbolna pranikajuć u skuru i rastvarajucca ŭ joj, vyzvalajučy preparat, jaki ŭ ich źmiaščajecca. Z vynikami daśledavańniaŭ kamandy navukoŭcaŭ z Technałahičnaha instytuta Džordžyi možna aznajomicca ŭ śviežym vypusku časopisa The Lancet.
Vyhada ad vykarystańnia padobnaj alternatyvy tradycyjnym pryščepkam vidavočnaja. Pa-pieršaje, płastyr nie treba zachoŭvać u chaładzilniku i transpartavać asablivym čynam. Pa-druhoje, niama patreby va ŭnutryciahličnych injekcyjach u ścienach miedycynskaj ustanovy. Pa-treciaje, heta nie tak baluča, jak ukoł.
Košt vakcynacyi z dapamohaj takoha płastyru značna nižejšy, a prastata i dastupnaść pracedury — pavyšajecca.
Vyprabavańni płastyru na łabaratornych žyviołach pačalisia niekalki hadoŭ tamu. U 2015 hodzie navukoŭcy prystupili da pieršych kliničnych vyprabavańniaŭ na ludziach. U ich pryniali ŭdzieł 100 dobraachvotnikaŭ ad 18 da 49 hadoŭ, jakija nie pryščaplalisia ad hrypu pierad papiarednim epidemičnym siezonam.
Paddoślednych raźbili na čatyry padhrupy. Udzielnikam pieršaj płastyr naklejvaŭ miedycynski supracoŭnik. U druhoj hrupie ludzi naklejvali płastyr samastojna. Treciaj hrupie dastalisia płastyry z płaceba, a ŭ čaćviortaj vakcynu stavili tradycyjnym sposabam, pry dapamozie ŭnutryciahličnych injekcyj.
Vyniki vyprabavańniaŭ pakazali, što płastyr biaśpiečny i efiektyŭny ŭ płanie dastaŭki vakcyny ŭ arhanizm. Nijakich pabočnych efiektaŭ vyjaŭlena nie było. Chiba što lohki karotkačasovy dyskamfort u miescy nalepvańnia, ale jon vielmi chutka prachodziŭ. Tytr antyciełaŭ na 28-y dzień paśla vakcynacyi byŭ prykładna adnolkavy ŭ hrup paddoślednych z płastyrami i injekcyjaj.
Bolš za 70% paddoślednych pryznalisia, što ŭ budučyni addali pieravahu b mienavita novamu sposabu vakcynacyi pry dapamozie płastyru.
Navukoŭcy vyrašyli nie spyniacca na dasiahnutym i ciapier raspracoŭvajuć płastyry, jakija zmohuć zamianić vakcynacyju suprać adzioru, krasnuchi i polijamijelitu.
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma7
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary