Śviatłana Ahiejeva, maci rasijskaha vajskoŭca, jafrejtara Viktara Ahiejeva, jaki trapiŭ u pałon u Łuhanskaj vobłaści Ukrainy, dała intervju «Novoj hazietie». Jana pryznajecca, što dahetul vieryła, što rasijskaj armii niama na Danbasie. Ciapier ža zdareńnie ź jaje synam usio źmianiła.
Ahiejeva žyvie za 100 kiłamietraŭ ad Barnauła, jana pracuje ŭ škole nastaŭnicaj anhlijskaj movy. Jaje synu Viktaru 23 hady. Da kamandziroŭki na Danbas jon žyŭ u Barnaule na zdymnaj kvatery z starejšym bratam Maksimam.
Pa słovach žančyny, da jaje ŭžo pryjazdžaŭ vajenkam, jaki zajaviŭ, što nijakaha kantraktu ŭ rasijskaj armii ź jaje synam nie było, a vajavać u «ŁNR» jon pajechaŭ jak najmit.
«Sa słoŭ vajenkama ja tak zrazumieła, što jamu zahadali z Maskvy da mianie źjavicca», — raspaviadaje Śviatłana Ahiejeva.
Jana pryznajecca, što «hatovaja na ŭsio, aby tolki Viktara chutčej adpuścili, hatovaja navat jechać u Kijeŭ». Ahiejeva śćviardžaje, što jaje syn pajechaŭ słužyć pa kantrakcie ŭ horad Batajsk Rastoŭskaj vobłaści, raz na tydzień jon adtul telefanavaŭ. Słužbaj byŭ zadavoleny, u pačatku traŭnia staŭ jafrejtaram.
24 maja jaho ŭziali ŭ pałon na terytoryi Ukrainy, kali jon razam sa svaim padraździaleńniem (mahčyma, jano adnosicca da HRU) byŭ u raźviedcy. Minabarony RF zajaviła, što taki čałaviek pa kantrakcie ŭ rasijskaj armii nie słužyŭ.
Maci jafrejtara Ahiejeva zapisała zvarot da prezidenta Rasii Uładzimira Pucina, ministra abarony Siarhieja Šajhu i ministra zamiežnych spraŭ Siarhieja Łaŭrova. Jana prosić dapamahčy viarnuć syna na radzimu i dapamahčy razabracca, u jakim statusie jon byŭ va Ukrainie.
«Chaču taksama paprasić naš urad dapamahčy z abmienam majho dziciaci. U mianie tolki na heta nadzieja. Jak hramadzianka Rasii kudy ja jašče mahu źviarnucca? Tak moj syn lubiŭ vajennuju spravu, addaŭ doŭh Radzimie, chacieŭ, kab Radzima jaho nie kinuła. Vicia! A jašče ja vielmi spadziajusia, što ŭkrainski bok pojdzie na sastupki, prajavić humannaść i dazvolić nam z taboj parazmaŭlać pa telefonie. Abo dazvolać danieści da ciabie moj videazvarot praz žurnalista «Novaj haziety». Va ŭsialakim vypadku, ja chaču ŭ heta vieryć».
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača49
Kamientary