Pra namier usio-taki abaranić svoj «honar, hodnaść i dziełavuju reputacyju» viadomy kampazitar raspavioŭ TUT.BY.
Nahadajem, u krasaviku 2017 hoda kampazitar zabaraniŭ Jadvizie Papłaŭskaj i Anatolu Jarmolenku vykarystoŭvać muzyku piaci svaich piesień da vyrašeńnia sprečnych pytańniaŭ.
Svaju pazicyju Chanok patłumačyŭ niepavahaj da jaho asoby (naprykład, na viečary pamiaci Alaksandra Cichanoviča nie nazyvałasia jaho proźvišča) i parušeńniami aŭtarskich pravoŭ (nie byŭ zaklučany biazvypłatny abo vypłatny dahavor, jaki dazvalaŭ vykarystoŭvać jaho pieśni).
U pačatku maja hetaha hoda kampazitar admoviŭsia ad svajho namieru, adnak pakinuŭ u sile zabaronu na vykanańnie svaich tvoraŭ.
TUT.BY udakładniŭ u Eduarda Chanka, čamu jon pamianiaŭ svajo rašeńnie. Bo zabarona na vykanańnie jaho piesień tak i nie była parušanaja. Reakcyja kampazitara akazałasia emacyjnaj: «Za apošni čas Papłaŭskaja i Jarmolenka stolki ŭsiaho nahavaryli, što ja vymušany abaraniacca. Jany sprabujuć pradstavić spravu tak, jak byccam ja taki niadobry čałaviek, jaki «z hłuzdu źjechaŭ». Ja pavinien abaraniać svoj honar i hodnaść».
U jakaści prykładu Chanok pryvioŭ vykazvańnie Jadvihi Papłaŭskaj, jakaja nibyta skazała padčas adnaho z efiraŭ, što kampazitar «vymahaŭ u jaje 25 tysiač dalaraŭ».
«Atrymlivajecca, ja — vymahalnik, — emacyjna praciahvaje Chanok. — Choć na padstavie zakona ja moh pastavić ličbu i ŭ 25, i ŭ 125 tysiač, i 225 tysiač. Hety tvor — maja asabistaja ŭłasnaść, tamu jaho losam rasparadžajusia ja sam».
Što tyčycca Jarmolenki, to, pa słovach Chanka, jany sustrelisia, i kampazitar prapanavaŭ zaklučyć «vypłatny» dahavor na sumu ŭ 2,5 tysiačy dalaraŭ. Hetyja hrošy pavinny byli pajści na budaŭnictva pomnika voinam-desantnikam u Kałodziščach. Ale baki tak i nie pryjšli da pahadnieńnia (udakładnim, heta nie źjaŭlajecca parušeńniem zakona), što pakryŭdziła Chanka.
«Adbyvajecca prysvajeńnie aŭtarstva de-fakta, kali proźvišča farmalna zastajecca za vami, ale jaho nie abviaščajuć abo ihnarujuć vas na mierapryjemstvach z udziełam telebačańnia. Stvarajecca ŭražańnie, što pieśniu napisaŭ nie Eduard Chanok, a Alaksandr Cichanovič», — aburaŭsia Chanok ŭ krasaviku hetaha hoda. Praktyčna tyja ž słovy ŭ tych ža vyrazach jon paŭtaryŭ i ciapier.
-
U lidara hurta a-ha Mortena Charkieta dyjahnastavali chvarobu Parkinsana
-
Hanna Bond krytykuje, deputatka Mirončyk-Ivanova śpiavaje pra «krošku»: u Minsku z anšłaham prajšoŭ kancert «Ruki vvierch»
-
Kab źniać prapahandyscki klip, prydvorny kampazitar Alejnik vyciahnuŭ litaralna z-pad kropielnicy 86-hadovuju babulu
Ciapier čytajuć
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca16
Kamientary