U Polščy apazicyja adčajna pratestuje suprać pierachodu sudoŭ pad kantrol urada
U Polščy libieralnaja apazicyja katory dzień pratestuje suprać reformy sudoŭ, jakuju zadumaŭ urad.
Viečarovyja demanstracyi adbyvajucca nie tolki ŭ Varšavie, ale i ŭ inšych haradach. Na fota źvierchu — pratest kala Sojma ŭ stalicy. Źnizu: u Lublinie pratestavała kala tysiačy čałaviek.
Vystupy arhanizoŭvajuć panadpartyjnyja Kamitet abarony demakratyi (Komitet Obrony Demokracji) i ruch «Hramadzianie RP» («Obywateli RP»).
Urad choča, kab prava pryznačać bolšaść sudździaŭ najvyšejšych sudovych instancyj atrymała parłamienckaja bolšaść. Apazicyja ličyć, što heta pryviadzie da kantrolu kirujučaj partyi nad sudami, što parušyć padzieł uładaŭ.
Kansiervatary z «Zakona i spraviadlivaści» śćviardžajuć, što svajoj reformaj chočuć pakončyć z poviaziami sudździaŭ z bujnym biznesam i libieralnym isteblišmientam.
Praciŭniki ŭrada bačać u jahonych dziejańniach sproby «ŭviekaviečyć» svaju ŭładu, dziakujučy kantrolu nad dziaržaŭnymi ŚMI i sudami. tak užo zdaryłasia ŭ Vienhryi, dzie niaźmienna kirujuć kansiervatary Orbana.
Prezident Polščy Andžej Duda rekamiendavaŭ zakanadaŭcam źmianić zakon, jaki vylikaŭ pratesty. U advarotnym vypadku jon pahražaje nie padpisać jaho.
Praciŭniki sudovaj reformy zajaŭlajuć, što niefarmalny lidar «Zakona i spraviadlivaści» Jarasłaŭ Kačynski choča pieratvaryć Polšču ŭ «druhuju Biełaruś», majučy na ŭvazie, što ŭ našaj krainie sudy padparadkoŭvajucca vykanaŭčaj uładzie.
Kamientary