Džazmenu Paŭłu Arakielanu nie chacieli rabić novy pašpart z-za… barady
Biełaruski džazmen i ŭdzielnik hurta «Krambambula» Pavieł Arakielan vyrašyŭ pamianiać pašpart. Zdaŭ usie dakumienty i praź miesiac pajšoŭ jaho, novieńki, zabrać. Ale zamiest pašparta jamu viarnuli dakumienty, bo na fota ŭ pašparcie nie musić być… barady!
Prynamsi, tak spačatku kažuć Paŭłu ŭ paštartnym adździele raźlikova-kasavaha centra Pieršamajskaha rajona stalicy.
«I, pa zapeŭnieńniach pašpartystki, baradu treba halić abo raźbirać vypadak na ŭzroŭni horada, HORADA!», - piša muzyka ŭ Fejsbuku.
Pakul Pavieł raźbirajecca z prablemaj «na uzroŭni horada», Jeŭraradyjo spraŭdžvaje infarmacyju ŭ inšych pašpartnych słužbach stalicy.
«Možna fatahrafavacca na pašpart z baradoj, niama nijakich paramietraŭ, - kaža supracoŭnica adździeła pa hramadzianstvie i mihracyi Leninskaha rajona Minska. - Adzinaje, kali z-za barady nielha całkam identyfikavać tvar, to, viadoma, treba bieź jaje. Ale kali ŭsio narmalna vidać, to niama prablemy».
Ciapier Pavieł Arakielan vyhladaje tak, voś jaho fota za 1 lipienia:
Jak bačym, barada ŭ Paŭła akuratnaja, padstryžanaja i nie pieraškadžaje jaho paznać u natoŭpie.
Praŭda, u inšym adździele pa hramadzianstvie i mihracyi, Maskoŭskim, nas zapeŭnivajuć, što jość mižnarodnyja normy taho, jakim pavinna być fota čałavieka - nijakaj samadziejnaści!
«Pamier fotazdymka musić być čatyry na piać, a ad padbarodździa da zakančeńnia apošniaha vałaska na hałavie - 32-35 mm. Kali čałaviek traplaje ŭ hetyja paramietry, to ŭsio ŭ paradku. Kali nie, to pašpart jamu nie addrukujuć», - adkazvaje supracoŭnica.
U vyniku Pavieł Arakielan nie viadziecca na ŭhavory pašpartystki pahalicca, ale ŭsio ž padstryhaje baradu i fotkajecca znoŭ, bo pašpart patrebny terminova, a na pryncypovaść niama času:
«Nie viedaju, čamu, ale za spravu ŭziaŭsia ceły pałkoŭnik! Jon vydaŭ dakładnaje patrabavańnie da fota. Ad makuški da padbarodździa musić być 35 mm. Bo ŭ supracoŭnikaŭ prablema była ŭ tym, što ličyć padbarodździem - rajonny adździeł mierkavaŭ, što heta samo padbarodździe, a haradski - barada».
Voś tak budzie vyhladać Pavieł Arakielan na novym pašparcie:
To bok, ciapier, zhodna z «mižnarodnymi normami», na pašpartnym fota tvar Pašy ad makuški da zakančeńnia barady ŭmiaščajecca ŭ 35 mm. Dahetul - u 40 mm.
Cikava, što da mužčyn, jakija na fotazdymku ŭ pašparcie jašče nie paśpieli adraścić baradu, ale ŭ realnym žyćci jaje nosiać, časta jość pretenzii pamiežnikaŭ. Maŭlaŭ, heta nie vy! U takim vypadku čamu tvar mužčyny, pavodle mierkavańnia niekatorych supracoŭnikaŭ pašpartnych słužb, musić być cnatliva-čystym na pašpartnym fota, pytańnie rytaryčnaje.
Kamientary