«Vełkom» kupiŭ treciaha pa vieličyni internet-pravajdara Biełarusi
Kampanija velcom nabyła kantrolny pakiet z 96,43% akcyj kampanii «Homielski abłasny technahandlovy centr «Harant». Suma ŭhody nie vydajecca, piša Tut.by.
«Zacikaŭlenaść u nabyćci bujnych rehijanalnych apierataraŭ abumoŭlenaja abranaj stratehijaj pradastaŭleńnia kanvierhientnych šyrokapałosnych pasłuh pa ŭsioj krainie, — raspavioŭ hienieralny dyrektar kampanii velcom Hielmut Duz. — Jana realizujecca jak šlacham stvareńnia ŭłasnaj sietki, tak i kupli dziejnych hulcoŭ na rynku. «Harant» — vydatny kandydat dla ŭvasableńnia našaj stratehii. Heta kampanija, jakaja ŭstojliva pracuje, z nadziejnaj sietkaj i dobrymi pierśpiektyvami. My rady vitać jaje ŭ siamji velcom».
AAT «Homielski abłasny technahandlovy centr «Harant» — treci pa vieličyni internet-apieratar u krainie, jaki pradastaŭlaje pasłuhi fiksavanaha internet-dostupu, ličbavaha i kabielnaha telebačańnia ŭ Homieli i Homielskaj vobłaści.
Nahadajem, u listapadzie 2016 hoda velcom abviaściŭ ab kupli kampanii «Atłant Telekam» — najbujniejšaj pryvatnaj telekamunikacyjnaj kampanii Biełarusi. Paviedamlałasia, što paśla zakančeńnia ŭhody velcom i «Atłant Telekam» buduć dziejničać jak adzinaja kampanija.
-
Navukoŭcy dakazali marnaść internet-sprečak: nichto nie mianiaje dumku, a vyniki nie reprezientujuć bolšuju častku hramadstva
-
ŠI biaśsilny pierad mastactvam: vieršavanyja zapyty zmusili jaho raskazać, jak stvarać atamnyja bomby i łamać sajty
-
U Ziamli jość chvost, jaki ciahniecca jak minimum na 2 miljony kiłamietraŭ
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ97
Kamientary