Čatyry hady pahražaje viełasipiedystu za miortvaha pasažyra. Dziejańni mužčyny, jaki pieravoziŭ na rovary miortvaha barsuka, nieŭzabavie budzie raźbirać sud. Ciapier spravaj zajmajucca śledčyja, bo za pieravozku dzikaj žyvioliny ŭžyvajecca kryminalnaja adkaznaść, paviedamlaje «Lida TV».
Adnak u pole zroku pravaachoŭnikaŭ u hety dzień mužčyna patrapiŭ nie za heta. Za niekalki hadzin da hetaha, kirujučy lehkavym aŭtamabilem, na zapravačnaj stancyi ŭ Kienciach jon sutyknuŭsia ź inšym lehkavikom.
— Paśla ździajśnieńnia darožna-transpartnaha zdareńnia hramadzianin byŭ dastaŭleny na miedycynski ahlad, dzie było zafiksavana 0,33 pramile. Na padstavie čaho doktar vynies zaklučeńnie — stan ałkaholnaha apjanieńnia, — kaža staršy inśpiektar DPS Pavieł Kirylčuk. — Taksama vyśvietliłasia, što mužčyna nie mieŭ paśviedčańnia kiroŭcy, bo termin dziejańnia jaho byŭ skončany ŭ 2016 hodzie. Paźniej, pry razbory, było vyśvietlena, što pry padjeździe na zapraŭku jon zasnuŭ za rulom, u vyniku čaho i dapuściŭ sutyknieńnie z aŭtamabilem «Suzuki».
Paźniej, kali ŭsie administracyjnyja pracedury byli skončanyja, mužčyna znoŭ apynuŭsia na hetaj zapraŭcy, na hety raz na rovary. Rabotnik AZS zaŭvažyŭ, što na bahažniku visieŭ miortvy barsuk.
Dadzienym incydentam nieŭzabavie zacikaviłasia achova žyviolnaha i raślinnaha śvietu. Pa papiarednich dadzienych stała viadoma, što mužčyna vioz jaho z rajona ahraharadka Jodki. Pa hetym fakcie pravodzicca rasśledavańnie.
— Sumiesna z supracoŭnikami DAI byŭ ustalavany fakt niezakonnaj transparciroŭki tušy dzikaj žyvioły — barsuka, jaki zaniesieny ŭ Čyrvonuju knihu. U dačynieńni da hramadzianina raspačata kryminalnaja sprava. Pry najeździe na dzikuju žyviołu abo vyjaŭleńni ŭžo źbitaj žyvioliny ni ŭ jakim razie nie pieramiaščajcie jaho, a paviedamicie ŭ najbližejšy RAUS, — raspavioŭ Vital Maksimčyk, načalnik Lidskaj mižrajonnaj inśpiekcyi achovy žyviolnaha i raślinnaha śvietu.
Za transparciroŭku žyvioły padazravanamu pahražaje pazbaŭleńnie voli da čatyroch hadoŭ.
Kamientary