Čakajecca, što novy rektar zastupić na pasadu ŭ pieršaj čverci 2018 h. Adabrany kandydat budzie pracaŭładkavany na piać hadoŭ z damoŭlenym zarobkam i ŭmovami pracaŭładkavańnia, adznačajecca ŭ pres-relizie ŭniviersiteta.
Asnoŭnyja kvalifikacyjnyja patrabavańni:
— doktarskaja (PhD) ci ekvivalentnaja stupień u adpaviednaj akademičnaj halinie;
— minimum 15-hadovy vopyt vykładańnia i navukova-daśledčaj dziejnaści na ŭniviersiteckim uzroŭni, pažadana ŭ halinie sacyjalnych i humanitarnych navuk, u tym liku i adpaviedny vopyt u halinie mižnarodnaha ŭniviersiteckaha supracoŭnictva;
— minimum 5-hadovy vopyt pracy na vysokaj kirujučaj pasadie ŭ halinie vyšejšaj adukacyi;
— dośvied pracy sa strukturami Jeŭrapiejskaha sajuza, u tym liku ŭzajemadziejańnie ź jeŭrapiejskimi prahramami i/ci prajektami;
— svabodnaje vałodańnie anhlijskaj movaj. Vałodańnie biełaruskaj i/ci ruskaj movaj, a taksama vałodańnie inšymi jeŭrapiejskimi movami ŭličvajecca ŭ jakaści stanoŭčaha faktara;
— viedańnie rehijanalnaha sacyjakulturnaha kantekstu dy dośvied univiersiteckaj pracy ŭ postsavieckim rehijonie Uschodniaj Jeŭropy ci krain Bałtyi ŭličvajecca ŭ jakaści pieravahi.
Apošni termin padačy naminacyj i zajavak — 20 vieraśnia. Miarkujecca, što imia rektara budzie nazvana 20-26 listapada
***
Hod tamu EHU abviaščaŭ konkurs na pasadu rektara, ale sprava zajšła ŭ tupik.
Były rektar EHU Devid Polik, jaki nie vałodaŭ ni ruskaj, ni biełaruskaj movami, zajmaŭ hetuju pasadu z krasavika 2015 hoda da kanca červienia 2016 hoda. Vykanaŭcam abaviazkaŭ rektara EHU ŭ kastryčniku 2016 hoda byŭ pryznačany datčanin Jorhien Jorhiensen.
Kamientary