Udzielničaŭ u «Domie-2», prymušaŭ klijentaŭ tančyć hołymi… Što viadoma pra zatrymanaha rasijskaha psichołaha?
Niekalki faktaŭ ź bijahrafii zatrymanaha ŭ Minsku psichołaha Michaiła Kazłova.
Michaił Kazłoŭ — trenier u halinie asobasnaha rostu i siamiejnych adnosin. Druhi raz žanaty, pryčym na minčancy Ksienii Čarniaŭskaj, maje čatyroch dziaciej. Ksienija kansultuje žančyn pa rodach u ZŠA i, jak i muž, vučyć stvarać harmaničnyja siemji.
Kazłoŭ śćviardžaje, što atrymaŭ čatyry vyšejšyja adukacyi, choć upeŭnieny, što jany jamu «ničoha nie dali». Akramia vajskovaha ŭniviersiteta Ministerstva abarony: «Tam mianie navučyli być tupym i rašučym, mienš dumać, bolš rabić». Mienavita ŭ tupaści i rašučaści, na jaho dumku, i chavajecca sakret ščaścia — hetamu jon vučyć na svaich treninhach z hučnymi nazvami «Kropka niezvarotu», «Pieraadoleńnie » i «Niepaźbiežny vynik». Udzieł u ich kaštuje 500-900 dalaraŭ.
Michaił Kazłoŭ z žonkaj i dziećmi.
Na dumku psichołaha, dobryja ludzi hrošy zarabić nie mohuć.
Jon navat prydumaŭ ułasnuju piramidu «Kazłou», zhodna ź jakoj tyja, chto zarablaje mienš za 500 dalaraŭ u miesiac, žyvuć šerym i niecikavym žyćciom. A ŭsio tamu, što staviać sabie prymityŭnyja mety: ažanicca, naradzić dziaciej i adyści ŭ inšy śviet.
Kab stać paśpiachovaj žančynaj, psichołah zaklikaje zabyć pra duchoŭnaść.
Pa słovach byłych klijentaŭ Michaiła, dla raźniavoleńnia jon čaściakom prymušaŭ ich tančyć aholenymi, pieraapranacca ŭ prastytutak dy imitavać arhazm ŭ darahich restaranach.
Dziaŭčyny, jakija spaźnialisia na jaho treninhi, u jakaści pakarańnia byli vymušanyja demanstravać stryptyz. Praŭda, pravierki palicyi pa dadzienych skarhach ničym nie skončylisia, i mužčyna praciahnuŭ pracavać.
Michaił byŭ pryznačany štatnym psichołaham telešou «Dom-2». Akramia hetaha, jon adkazvaŭ za psichałahičnuju atmaśfieru na telekanale TNT.
Psichołah vielmi hanarycca tym, što ŭ 2012 hodzie, pa zaprašeńni Uładzimira Pucina, naviedaŭ Kreml. U svaim instahramie jon nazyvaje siabie kandydatam u prezidenty Rasii.
Kazłoŭ nieadnarazova pryjazdžaŭ sa svaimi treninhami ŭ Minsk. 14 žniŭnia padčas čarhovaj sproby navučyć biełarusaŭ być ščaślivymi jaho zatrymała milicyja.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary