Bolš za ŭsio pra «Našu Nivu» i Biełaruś u Vikipiedyi čytajuć na anhlijskaj, rasiejskaj i niamieckaj movach
Isnuje servis VikiRank, jaki dazvalaje aŭtamatyčna aceńvać i paraŭnoŭvać jakaść i papularnaść artykułaŭ ź Vikipiedyi na roznych movach.
U ciapierašni čas prajekt utrymlivaje ŭ adkrytym dostupie vyniki acenki dla bolš čym 28 miljonaŭ artykułaŭ z 44 moŭnych viersij Vikipiedyi, u tym liku dla biełaruskaj (narkamaŭki). Akramia asnoŭnaha servisu, dastupnyja taksama dadatkovyja instrumienty: indeks cytujemaści artykułaŭ Vikipiedyi, papularnaść artykułaŭ, analiz paŭnaty krynic artykułaŭ Vikipiedyi i inš.
My vyrašyli pahladzieć, jak pracuje hety resurs, i voś što ŭ nas vyjšła.
Artykuł «Naša Niva (1991)»
Zhodna z vynikam, artykuł pra hazietu «Naša Niva» najbolš papularny ŭ rasiejskaj, anhlijskaj, polskaj, biełaruskaj i niamieckaj raździełach Vikipiedyi.
Artykuł «Respublika Biełaruś»
Hety artykuł čaściej za ŭsio čytajuć pa-anhlijsku. Taksama ŭ top-5 ŭvachodziać rasiejskaja, niamieckaja, polskaja i ispanskaja moŭnyja viersii artykuła pra našu krainu.
Takim čynam, z krain dalniaha zamiežža Biełaruśsiu cikaviacca ŭ Niamieččynie, Ispanii, a taksama ŭ ZŠA, Kanadzie i Złučanym Karaleŭstvie (kali ŭličvać, što anhłamoŭnuju viersiju Vikipiedyi zbolšaha čytajuć žychary mienavity hetych krain).
Prajekt VikiRank raspracavany na asnovie daśledavańniaŭ navukoŭcaŭ ź Biełarusi i Polščy. Pieršy navukovy artykuł z apisańniem dadzienaha servisu byŭ apublikavany ŭ 2015 hodzie. Spačatku prajekt dazvalaŭ aceńvać i paraŭnoŭvać jakaść artykułaŭ Vikipiedyi tolki na šaści movach: anhlijskaj, niamieckaj, rasiejskaj, polskaj, ukrainskaj i biełaruskaj. Paźniej, dla bolš abjektyŭnaha padliku, u ałharytm acenki jakaści artykułaŭ byli ŭniesienyja źmieny (u tym liku šlacham dadańnia novych paramietraŭ), a taksama pašyranaja kolkaść analizavanych moŭnych viersij Vikipiedyi.
Aŭtary prajekta kažuć, što jaho vyniki mohuć dapamahčy palepšyć jakaść Vikipiedyi, u tym liku šlacham paraŭnańnia i vybaru lepšych moŭnych viersij artykułaŭ dla ŭzbahačeńnia mienš raźvitych moŭnych raździełaŭ «volnaj encykłapiedyi, jakuju moža redahavać kožny».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary