Načalnik Hienštaba: Nieviadoma, chto budzie abaraniać Biełaruś lepš — ja ci tyja, chto kaža pra majo rasijskaje pachodžańnie
Načalnik Hienieralnaha štaba Uzbrojenych siłaŭ Biełarusi Aleh Biełakonieŭ adkazaŭ krytykam, jakija paprakajuć jaho rasiejskim pachodžańniem.
Padčas interviju telekanału ANT pieršy namieśnik ministra abarony Biełarusi adkazaŭ na pytańnie viadoŭcy pra niebiełaruskaje pachodžańnia vajskoŭca. Takija pretenzii da Biełakonieva, jak skazaŭ viadoŭca, hučali ŭ kantekście vučeńniaŭ «Zachad-2017».
Hienerał-major adkazaŭ, što stavicca da hetaha absalutna spakojna. Jon nahadaŭ, što ŭ SSSR usie nacyjanalnaści nazyvalisia savieckim narodam.
«Na žal, ciapier niekatoryja bujnyja specyjalisty, jakija lubiać našu radzimu z-za miažy, vidać, heta bolš prestyžna, jany padmianiajuć paniaćci radzimy. Voś u mianie brat naradziŭsia ŭ Taškiencie. Jon ža nie źjaŭlajecca staŭlenikam prezydenta Ŭzbekistanu. A dzieci ŭ Niamieččynie — jany ž nie źjaŭlajucca staŭlenikami Anhieły Merkiel», — skazaŭ Biełakonieŭ.
Na repliku viadoŭcy, što takija pretenzii, vidać, vystaŭlajuć maładyja ludzi, jakija nia pamiatajuć SSSR, Načalnik Hienštaba adkazaŭ:
«Nichto pry hetym nia kaža, što ja škołu zakančvaŭ tut, u horadzie Barysavie. Što ja pryzyvaŭsia ŭ vojska Barysaŭskim vajenkamatam. U mianie tut pachavany baćka, tut žyvie maja mama.
Paśla raspadu SSSR ja viarnuŭsia da siabie dadomu. Radzima — heta tam, dzie tvoj dom. I jašče nieviadoma, chto jaho budzie abaraniać lepš: ja ci tyja, chto pra heta kaža».
Biełakonieŭ naradziŭsia ŭ Prymorskim krai Rasiei. Va Ŭzbrojenych Siłach z 1983 hodu.
Kamientary