Pa stanie na hety momant 26 čałaviek padali zajaŭki na vakansiju veb-redaktara «Našaj Nivy». I tym nie mienš, hetym razam vybirać było nie tak ciažka, bo nie ŭsie kandydaty ŭličyli, što pasada śpiecyfičnaja, patrabuje praktyki veb-žurnalistyki, pra što i havaryłasia ŭ abviestcy.
My zrabili svoj vybar na karyść samaha daśviedčanaha kandydata, za śpinaj u jakoha — doŭhija hady adkaznaj raboty. Jahonaje imia nazaviom, paśla taho jak jon 1 listapada zamienić svaju papiarednicu.
Nahadajem, što padčas minułaha konkursu na čałavieka dla pracy z multymiedyja my z 41 kandydata vybrali Volhu Aficeravu. Jaje pieršyja raboty vy ŭžo bačyli ŭ NN. Naprykład, heta:
Minčanka kormić dzicia hrudźmi ŭ ludnym miescy — VIDEAekśpierymient
Jak heta było — kancert Lavona Volskaha VIDEA
Na kancert Volskaha biełarusy masava nadzieli vyšyvanki FOTY
Pierad tym my šukali žurnalista na žanočuju tematyku, było 24 kandydaty, i my vybrali Kaciu Karpickuju. Materyjały i styl jaje vy, biezumoŭna, za hety čas užo zaŭvažyli.
Niaprosta rabić vybar, kali stolki kandydataŭ. Pry takim vale my nie možam navat adkazać na ŭsie vašy ŭdakładniajučyja pytańni. My tolki starajemsia vybrać taho, dla kaho, na našu dumku, taja vakansija najlepš adpaviadaje, chto budzie na svaim miescy i na svajoj darozie.
U najbližejšyja dni ŭ nas budzie abvieščany konkurs na jašče adnu vakansiju. Heta mieniedžar pa prodažach / markietołah. Stvareńnie rekłamy i jaje prodaž — pieradumova raźvićcia. Tamu, kali chto adčuvaje ŭ sabie biznes-žyłku i, adnačasova, maje žadańnie pracavać u maładym i viasiołym biełaruskamoŭnym kalektyvie, sačycie za abjavami, pišycie na [email protected], prabivajciesia.
Ciapier čytajuć
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam29
Kamientary