Čamu pradprymalniki pravodzili forum u «Domie Maskvy»? Šumčanka: «My na hety kont nie zamaročvajemsia»
2 kastryčnika ŭ «Domie Maskvy» ŭ Minsku prajšoŭ forum pradprymalnikaŭ «Biełaruś — kraina dla biznesu». Jaho arhanizataram było hramadskaje abjadnańnie «Pierśpiektyva». My spytali ŭ lidara «Pierśpiektyvy» Anatola Šumčanki, čamu dla praviadzieńnia forumu była abranaja takaja nieadnaznačnaja placoŭka?
«Sprava ŭ tym, što niekalki hadoŭ tamu paśla zimovych pratestaŭ my źbiralisia ŭ haścinicy «Biełaruś» (da tysiačy čałaviek prychodziła). Paśla hetaha my chacieli pravodzić forumy ci to ŭ «Biełarusi», ci ŭ «Viktoryi». Paŭsiul atrymlivali admovu.
Niekalki hadoŭ tamu my pryjšli ŭ «Dom Maskvy». Rastłumačyli, što ŭ nas ekanamičny forum, nie palityčnyja pytańni razhladajem. Tak i pačali pravodzić tam forumy. Heta čysta techničnyja momanty, jakija nas zadavalniajuć: i zał, i raźmiaščeńnie. Usio vielmi zručna i ŭ płanie biaśpieki, i ŭ płanie arhanizacyjnych momantaŭ.
Haścinica «Biełaruś» admoviła — my pajšli ŭ «Dom Maskvy», — tłumačyć Šumčanka.
A ci nie biantežać pradprymalnikaŭ ideałahičnyja momanty?
«My na heny kont nie zamaročvajemsia. Dla mianie važna nie miesca, dzie my pravodzim, a źmiest pieramovaŭ. Bolš važnaje, što kažuć tam ludzi. My ž apłočvajem arendu pa damovie.
My ž nie razmaŭlajem tam pra «ruski śviet», pra Ukrainu. My vostra abmiarkoŭvajem svaje pytańni — heta hałoŭnaje. Padtekstu šukać nie treba.
Dziakuj haspadaram «Doma Maskvy», što jany pradstavili nam placoŭku dla vykazvańnia svaich dumak i idej. My prosta znajšli miesca, dzie nam nie admovili.
My — biełarusy, zajmajem prabiełaruskuju pazicyju. Abaraniajem svaje intaresy. Nie maje nijakaha značeńnia dzie my heta budziem rabić», — miarkuje pradprymalnicki lidar.
«Dom Maskvy» ŭ Minsku źjaŭlajecca pradstaŭnictvam pradpryjemstva «Maskoŭski centr mižnarodnaha supracoŭnictva». U hetym budynku znachodzicca redakcyja rasijskaha partału «Sputnik».
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»27
Kamientary