Siońnia nočču skončyŭsia kvalifikacyjny adbor da čempijanatu śvietu pa futbole ŭ Paŭnočnaj i Centralnaj, a taksama ŭ Paŭdniovaj Amierycy.
Arhiencina pieramahła ŭ haściach Ekvador ź likam 3:1 z chiet-trykam Miesi i harantavała sabie pucioŭku, a voś zbornaja Čyli — pieramožca Kubka Amieryki — prajhrała Brazilii (0:3) i zaniała tolki 6-je miesca ŭ hrupie. Parahvaj prajhraŭ Vieniesuele i taksama nie zdoleŭ adabracca na mundyjal.
Parahvaj — Vieniesueła — 0:1
Uruhvaj — Balivija — 4:2
Pieru — Kałumbija — 1:1.
Brazilija — 41, Uruhvaj — 31, Arhiencina — 28, Kałumbija — 27, Pieru — 26, Čyli — 26, Parahvaj — 24, Ekvador — 20, Balivija — 14, Vieniesueła — 12.
Čyli nižej za Pieru za košt horšaj roźnicy miačoŭ.
NA ČS vyjšli Brazilija, Uruhvaj, Arhiencina, Kałumbija. Pieru ŭ listapadzie zhulaje stykavy matč z Novaj Ziełandyjaj.
U hrupie KANKAKAF ZŠA niečakana prajhrali Trynidadu i Tabaha (1:2) i nie trapili na čempijanat. Z 1986 hoda heta zbornaja pastajanna hulała na mundyjalach.
Mieksika - 21, Kasta-Ryka — 16, Panama — 13, Handuras — 13, ZŠA — 12, Trynidad — 6.
Handuras nižej za Panamu za košt horšaj roźnicy miačoŭ.
NA ČS vyjšli Mieksika, Kosta-Ryka i Panama, Handuras zhulaje ŭ stykavych matčach z Aŭstralijaj.
Chto vyjšaŭ na čempijanat śvietu:
Rasija (haspadynia), Hiermanija, Anhlija, Ispanija, Partuhalija, Polšča, Bielhija, Isłandyja, Sierbija, Francyja; Mieksika, Kosta-Ryka, Panama; Brazilija, Uruhvaj, Arhiencina, Kałumbija; Iran, Japonija, Paŭdniovaja Kareja, Saudaŭskaja Aravija; Nihieryja, Jehipiet.
Jašče try kamandy ad Afryki stanuć viadomyja ŭ listapadzie pa vynikach hrupavoha turniru, čatyry ad Jeŭropy vyznačacca ŭ stykach, u stykach taksama zhulajuć Handuras — Aŭstralija i Pieru — Novaja Ziełandyja.
U stykavych matčach ad Jeŭropy zhulajuć: Italija, Šviecyja, Paŭnočnaja Irłandyja, Irłandyja, Charvatyja, Danija, Šviejcaryja, Hrecyja.
Losavańnie paraŭ — 17 kastryčnika, hulni ŭ listapadzie.
Losavańnie hrupavoha turniru čempijanatu śvietu — 1 śniežnia.
Kamientary