«Raniej ja pracavała ŭ Polščy na kłubnicach, a potym mnie prapanavali hetuju pracu. Jana ciažkaja i haniebnaja, zatoje majo dzicia zabiaśpiečanaje ŭsim nieabchodnym», kaža adna z žančynaŭ.
U Baranavickim HAUS stajać na ŭliku kala 300 žančyn, jakija zajmajucca seks‑biźniesam. Dziaŭčaty pracujuć na trasach, zdymnych kvaterach i doma.
Sioleta raspačatyja try kryminalnyja spravy za ŭtrymańnie prytonu, zvodnictva, suteniorstva i adna — za vykradańnie čałavieka z metaj seksualnaj ekspłuatacyi. Baranavičy — horad z vysokim žanočym biespracoŭjem.
Raniej na bavaŭnianym kambinacie pracavali 11,5 tysiač čałaviek, pieravažna žančyny, niekalki tysiač žančyn pracavała na niadaŭna začynienaj trykatažnaj fabrycy, na švačnaj fabrycy.
Paśla skaračeńnia mnohija žančyny pajšli handlavać na kirmašach i ŭ pałatkach jak IP, ale paśla šerahu prezidenckich ukazaŭ vialikaja kolkaść IP abankrucilisia abo nie zdoleli pieraŭtvarycca ŭ jurydyčnyja asoby.
Jašče šerah žančyn stracili mahčymaść zajmacca transhraničnym handlem z Polščaju. U vyniku šmat chto z baranavičanak vyrašyŭ zaniacca seks‑biźniesam.
— Raniej ja pracavała ŭ Polščy na kłubnicach, a potym mnie prapanavali hetuju pracu. Jana ciažkaja i haniebnaja, zatoje majo dzicia zabiaśpiečanaje ŭsim nieabchodnym.Mianie heta zadavalniaje, — zajaviła karespandentu «Jeŭraradyjo» adna z baranavickich prastytutak
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary