Natchnieńnie: instahram biełaruski ź luboŭju da ŭpadnickaj pryhažości i skietčaŭ
Štotydzień my dzielimsia z vami tałkovymi profilami. Dla natchnieńnia i nie tolki. Kožnuju sieradu — novaja hierainia ci hieroj.
Liza Jemialjanava.
Instahram ilustratarki Lizy Jemialjanavaj — heta sapraŭdnaja skarbnica dla tych, chto zakachany ŭ mulciki, kocikaŭ, pryrodu dy, mabyć, u Kamaroŭski rynak.
Dziaŭčyna maluje skietčy i stvaraje fantastyčnyja ilustracyi: u 2016 hodzie ŭ jaje navat vyjšła cełaja knižka z malunkami. Skietčynh jana taksama vykładaje ŭ «Fungi studio».
«Kaliści maja vykładčyca skazała pra mastačku Alesiu Skarabahatuju: «Kali adabrać u jaje ałovak, jana pamre». Heta mianie vielmi ŭzrušyła tady. Ciapier, mnie zdajecca, heta možna skazać i pra mianie. Čym by ja dalej pa žyćci nie zajmałasia, heta tak ci inakš budzie źviazana z malavańniem. Zaraz ja sprabuju trapić u hulniavuju industryju, bo liču heta nievierahodna cikavym: stvarać piersanažaŭ i ceły śviet!», — dzielicca dziaŭčyna.
Jaje profil dapamoža kožnamu nanova adkryć dla siabie samyja zvyčajnyja, štodzionnyja i prazaičnyja rečy, a jašče prademanstruje, jak lohka stvaryć utulnaść dziakujučy ŭsiaho niekalkim detalam. Ci dziakujučy kotkam.
Kamientary