Liviant: Słuckija čynoŭniki ad adukacyi adznačylisia čarhovym absurdam
Viadomy minski piedahoh Jaŭhien Liviant apublikavaŭ u svaim fejsbuk-akaŭncie čarhovyja dakumientalnyje paćviaržeńni absurdnaści zahadaŭ čynoŭnikaŭ ad adukacyi šarahovym nastaŭnikam.
Hetym razam Słucki sacyjalna-piedahahičny centr, pałochajučy prakuraturaju, prymušaje piedahohaŭ da siońniašniaj daty pieradać poŭnuju infarmacyju pra toje, dzie buduć znachodzicca ŭsie vučni siarednich škoł Słuččyny ciaham zimovych kanikuł, što pačnucca tolki praz try tydni. Asabliva varta adznačyć patrabavańnie «prytrymlivacca adzinaha šryftu».
Da bieznazoŭnaha dakumienta ź vialikaju kolkaściu kličnikaŭ prykładzienaja jašče forma, pavodle jakoj treba adspravazdačycca ŭsim škołam.
Jaŭhien Liviant nakont hetaha hatunku fikcyjnaj dakumientacyi vykazaŭsia nastupnym čynam:
«Usim razvažnym ludziam zrazumieła, što i nastaŭniki, i vučni, i ich baćki pišuć usiakuju łuchtu ŭ hetych papierkach. Tamu ci to va ŭsioj Minskaj vobłaści, ci to ŭ asobna ŭziatym Słuckim rajonie vyrašyli napałochać nastaŭnikaŭ … prakuraturaj, maŭlaŭ, tam usie źviestki pilna praviarajucca, i kali što niapravilna napisana, to nikomu mała nie padasca. Voś cikava, a prakuratura pra heta viedaje? Heta prakurory paprasili «prytrymlivacca tolki prykładzienaj formy i vykarystoŭvać adziny šryft» pry zapaŭnieńni hetaha niedarečnaha dakumienta?»
I dadaŭ naprykancy, što pravaachoŭnikam dakładna pavinna być zrazumieła, što publikavańnie źviestak pra toje, što siamja padčas kanikuł źjedzie i pakinie kvateru pustoj na doŭhi čas — dakładna nie pavysić uzroŭniu biaśpieki.
Niadaŭna Jaŭhien Liviant užo vyjhraŭ adzin raŭnd zmahańnia za pravy nastaŭnikaŭ. Dziakujučy rozhałasu ŭ ŚMI, Minachovy zdaroŭja adklikała niedarečny list, jaki ŭskładaŭ na kłasnych kiraŭnikoŭ abaviazak pa zbory analizaŭ kała ad vučniaŭ.
Čytajcie jašče:
Zahad škołam pra zbor analizaŭ kału adklikali
-
Arhienciniec zakachaŭsia ŭ biełarusku i pierajechaŭ na chutar pad Maładziečnam
-
Biełarus spaźniŭsia na samalot z Dubaja i prosić kampiensacyju. Turapieratar kaža, što jon sam vinavaty
-
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Ciapier čytajuć
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»26
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary