Na ANT raskazali pra Pieršy Usiebiełaruski źjezd, ale abrezali bieła-čyrvona-bieły ściah FOTAFAKT
Adzin ź niadzielnych siužetaŭ prahramy «Kontury» na telekanale ANT byŭ pryśviečany stahodździu Pieršaha Usiebiełaruskaha źjezda. Deputat Pałaty pradstaŭnikoŭ Ihar Marzaluk adznačyŭ, što «ŭpieršyniu paśla doŭhich stahodździaŭ biełaruski narod prademanstravaŭ svaju volu da samavyznačeńnia, upieršyniu była ahučana ideja biełaruskaj dziaržaŭnaści».
Taksama ŭ siužecie Alaksandra Maciasa raskazana pra nievialikuju kardonku, jakaja była znojdzienaja padčas niedaŭniaj restaŭracyi Kupałaŭskaha teatra. U siužecie była vykazana zdahadka, što pradmiet moh słužyć propuskam na źjezd. Adnak telekanał nie paličyŭ nieabchodnym pakazać histaryčny pradmiet całkam, abrezaŭšy bieła-čyrvona-bieły ściah.
Tak pakazany pradmiet u siužecie:
A tak jon vyhladaje nasamreč:
U kancy siužeta była vykazanaja niezvyčajnaja traktoŭka idej Usiebiełaruskaha źjezda: «Mnohaje z taho, što było dekłaravana ŭ śniežni 1917 hoda, aktualna. Sacyjalna aryjentavanaja ekanomika, ekanomika dla ludziej, sajuznaja dziaržava i nijakich mytnych hranic u Biełarusi z Rasiejaj».
Ale nasamreč staŭleńnie da Rasiei na źjeździe nie było takim adnaznačnym. Z uspaminaŭ Makara Kraŭcova: «Nadychodziŭ fatalny momant — noč z 30 na 31 śniežnia (novy styl). Sprava budučyni Biełarusi abhavorana była ŭ «ziamlačastvach», i ŭ kožnym ź ich apracavany byli dekłaracyi. Zarysavalisia dva kirunki: smalency, mienčuki, vilency i haradziency vykazvalisia za jak najbolšuju samastojnaść Biełarusi, a viciablanie i mahiloŭcy nie mahli raźvitacca z svaim usierasiejskim patryjatyzmam, snujučy dumki ab Rasiei demakratyčnaj, jakaja nadoŭha, jak akazałasia, była pachavanaja balšavikami. Jasna pomnicca, što na pasiedžańni haradziencaŭ Jazep Varonka zajaviŭ: «Ja ŭžo ceły tydzień našu ŭ partfieli prajekt univiersału ab niezaležnaści…».
***
Na telehram-kanał «Našaj Nivy» možna padpisacca tut.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary