Samsung Galaxy A8|A8+ i «Naša Niva» zapuścili śpiecyjalny konkurs — «Navučy babulu rabić sełfi!». Aŭtar najcikaviejšaha fota ŭ siaredzinie maja atrymaje ŭ padarunak dva smartfony — Samsung Galaxy A8 i Samsung Galaxy A8+ [ale raim nie čakać apošniaha vahona, a rabić užo, bo potym zabudziecca].
Nižej — historyi piaciorki našych udzielnikaŭ.
Uład Kalita paznajomiŭ nas sa svaim dziadulem Tolikam.
Anatol Mračyk pachodzić ź Dziaržynska, pracavaŭ kiroŭcam u słužbie biaśpieki kiraŭnika krainy. Lubić bavić volny čas na leciščy, za rybałkaj i na rovary.
A voś — Alaksandra Kuźmič i jaje stylovaja babula Łarysa Maskalik — tolki zirnicie, jakija ŭ jaje modnyja akulary!
Spadarynia Łarysa pracavała doktarkaj, a ciapier šmat času addaje hatoŭcy i čytańniu knižak.
Badzioraje sełfi 63-hadovaha Uładzimira Jackieviča z Połacka dasłaŭ unuk Loša.
Fota šmat havoryć pra jaho aŭtara: Uładzimir zrabiŭ partret na vulicy, u darozie. Sam pra siabie jon kaža tak: «Staraść nie zastanie mianie doma». Spadar Uładzimir dahladaje trusoŭ, kurak i košku Muśku. A ŭnukaŭ častuje duchmianymi pirahami ź piečy.
Jašče adzin udzielnik konkursu — Viktar Paŭściuk z Ašmian.
Za svaje 92 hady jon pabačyŭ mnohaje: pieražyŭ vajnu, pracavaŭ doktaram chutkaj dapamohi. Siońnia Viktar znachodzicca na zasłužanym adpačynku: bavić čas na aharodzie i ŭ sadzie. Svajo pieršaje ŭ žyćci sełfi «zapiliŭ» z dapamohaj unukaŭ i sełfi-pałki.
A heta — Kłara Andrejeva.
Jana strašna lubić vyšyvać. Jaje ŭnuk Siarhiej raspaviadaje, što tvoraŭ babuli ŭ domie tak šmat, što ŭžo nie chapaje ścien! Siarhiej chutka źjazdžaje na stažyroŭku ŭ Japoniju i ščaślivy, što babula navučyłasia rabić sełfi. Jon miarkuje, heta tolki pieršy krok, a nastupnym budzie zasvojvańnie vajbiera ci skajpa. Heta dapamoža im nie hublacca i radavać adzin adnaho śviežymi fotazdymkami.
Publikujcie ž i vy sełfi babul i dziadul u fejsbuku, instahramie ci Ukantakcie! Fotazdymki prymajucca da ŭdziełu ŭ konkursie da 4 maja ŭklučna. Tolki nie zabyvajcie stavić cheštehi #nn_A8belarus i #SamsungBelarus.
Padrabiaznyja praviły možna pačytać voś tut.
A historyi ŭsich udzielnikaŭ konkursu šukajcie na śpiecyjalnaj staroncy.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10
Kamientary